Знайсці
06.12.2022 / 15:205РусŁacБел

У цэнтры Мінска прадаецца кватэра з вельмі дзіўнай ваннай-басейнам. Але такія тут у кожным пад'ездзе

Гэты пяціпавярховы дом насупраць Вялікага тэатра оперы і балета быў пабудаваны ў 1936 годзе. Першапачаткова кватэры ў доме на скрыжаванні вуліц Багдановіча і Старажоўскай атрымлівалі чырвоныя камандзіры і наменклатурныя работнікі. Сёння дом знакаміты не толькі сваёй гісторыяй, але і незвычайнымі архітэктурнымі рашэннямі.

Цяпер тут прадаецца трохпакаёвая кватэра з незвычайнай ваннай-басейнам, расказвае Realt.by.

Падчас вайны з элітным домам адбылася трагедыя — у пабудову трапіла бомба, ад якой загінула больш за 100 чалавек. Аднак ужо ў 1947 годзе будынак аднавілі палонныя немцы. Кватэры ў адрэстаўраваным доме зноў раздалі прадстаўнікам мінскай эліты — кіраўнікам прадпрыемстваў, работнікам культуры.

МинскЯндекс Карты — транспорт, навигация, поиск мест

У будынку першапачаткова было пяць пад'ездаў, чатыры з іх былі заселеныя прадстаўнікамі наменклатуры, а пяты — памочнікамі па гаспадарцы: шафёрамі і хатнімі работніцамі, якія абслугоўвалі наменклатуру. Праз гэта ў пад'ездах — розныя планіроўкі кватэр. У элітных «парадных» можна знайсці прасторныя трох— і чатырохпакаёвыя кватэры, а ў пад'ездзе «для чэлядзі» — толькі невялікія двухпакаёўкі.

Яшчэ адна «славутасць» дома — міні-басейны ў кожнай кватэры. Кажуць, пры будаўніцтве будынка праекціроўшчыкі не змаглі знайсці чыгунныя ванны, таму вырашылі зрабіць «купальні» грунтоўнымі − з цэменту і жалезабетонных бэлек, утапіўшы канструкцыю ў падлогу.

У выніку, у кожнай кватэры з'явіліся свае міні-басейны. Для таго, каб спусціцца ў ванну, тут прадугледжана спецыяльная прыступка. Праўда, так як паверхам вышэй знаходзіцца дакладна такая ж канструкцыя, зверху правісае «басейн» суседа.

Першапачаткова ванны не былі абкладзены пліткай. Гэта было зроблена толькі падчас капрамонту ў 70-х гадах. Кажуць, карыстацца такімі басейнамі зручна — толькі ваду набіраць даводзіцца доўга.

Цяпер у доме, які з'яўляецца гісторыка-культурнай каштоўнасцю, прадаецца адна кватэра.

На продаж выстаўлена трохпакаёвая кватэра плошчай 74 квадратныя метры.

Размяшчаецца жыллё на чацвёртым паверсе. У кватэры — нядрэнны рамонт, высокія столі і вялікія вокны. Міні-басейн тут таксама прысутнічае!

Кошт трошкі побач з Нямігай, Траецкім прадмесцем і набярэжнай Свіслачы — 150 тысяч даляраў.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
06.12.2022
ой-ёй... ведала, што гэта дом-камуна. але не ведала, што ў яго такая гісторыя...
«ДОМ МЕРТВЫХ»
Пятиэтажный жилой дом-коммуна на углу нынешних улиц Янки Купалы и Максима Богдановича был построен в 1936 году и назван в духе времени Третьим Домом Советов – в нем получили квартиры семьи офицеров Красной Армии.
В первые дни Великой Отечественной взрывом фашистской авиабомбы завалило выход из расположенного под этим домом бомбоубежища, где прятались жены и дети только что ушедших на фронт красноармейцев. От едкого дыма, проникшего в подземелье-ловушку через вентиляционные ходы, разом погибли более ста человек. Их отцы и мужья также не вернулись под родной кров – почти все они погибли на войне… Предание о «Доме мертвых» еще долго ходило из уст в уста в послевоенном Минске. (planetabelarus.by)
0
Улад/адказаць/
06.12.2022
Гэта каб чырвоныя камандзіры сваіх коней мылі.
06.12.2022
калі сусед мыецца, ён мыецца ў сваёй кватэры ці ў кватэры суседкі?
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера