У Беларускім доме ў Вільні зладзяць анлайн-прагляд уручэння Нобелеўскай прэміі Алесю Бяляцкаму
Беларускі дом у Вільні запрашае на мерапрыемства, прысвечанае цырымоніі ўручэння Нобелеўскай прэміі міру кіраўніку праваабарончага цэнтра «Вясна» Алесю Бяляцкаму. Зняволенага праваабаронцу будзе прадстаўляць яго жонка Наталля Пінчук.
Сама цырымонія ўручэння будзе праходзіць 10 снежня ў Осла, але будзе арганізаваны анлайн-прагляд гэтай падзеі, а таксама прэзентацыя кнігі ды падпісанне паштовак.
Алесь Бяляцкі быў затрыманы 14 ліпеня 2021 года і з таго часу знаходзіцца за кратамі. Яго самога і яго калег абвінавачваюць у «кантрабандзе» і «фінансаванні групавых дзеянняў, што груба парушаюць грамадскі парадак» падчас масавых акцый пратэсту пасля фальсіфікацыі прэзідэнцкіх выбараў 2020 года. Цяпер Бяляцкаму пагражае ад 7 да 12 гадоў зняволення.
Месца правядзення: Беларускі дом у Вільні, Vilniaus g. 20.
Дата: 10 снежня з 13:00, але Дом адкрыты для візіту цягам усяго дня.