Знайсці
08.12.2022 / 10:511РусŁacБел

Гадзіннік выдаў Пуціна

Нават правераных расійскіх праваабаронцаў не пусцілі ў жывы эфір падчас сустрэчы Рады па правах чалавека (РПЧ) з Пуціным. Тое, што гутарка ішла ў запісе, відаць па гадзінніку на руцэ прэзідэнта РФ, заўважыў канал «Можем объяснить».

У 18:25 на гадзінніку Пуціна, які трапіў у кадр, можна было разглядзець стрэлкі, якія паказваюць 18:05, а ў 18:33 — ужо на 20 хвілін менш.

Магчыма, прэс-служба баялася, што гутарка нават з самымі паслухмянымі членамі РПЧ пойдзе не па плане і хто-небудзь з іх задасць няўзгодненае пытанне.

Хоць такая магчымасць была зведзена да мінімуму яшчэ ў лістападзе, калі Пуцін выключыў з Рады сваім указам некалькіх чалавек, не лаяльных да Крамля ці не да канца падкантрольных.

Выключаныя і недапушчаныя да сустрэчы з Пуціным Кацярына Вінакурава і Ігар Каляпін сказалі «МО», што сапраўды хацелі падняць вострыя тэмы, у прыватнасці, аб фашызацыі краіны і распавесці аб катаваннях у турмах, але такой магчымасці ім не далі. 

«Праваабарону кастрыравалі. Інструментаў, якія прадугледжвалі нейкае супрацоўніцтва з уладай, не засталося», — сказаў выключаны з РПЧ у лістападзе праваабаронца Ігар Каляпін.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Вадя/адказаць/
08.12.2022
Тоже мне ,тайны Мадридского двора.С такой репутацией человек ,что нужно удивляться бы относительно честному поступку.Но таких не наблюдалось ,нет сейчас и не будет в будущем...
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера