Знайсці
09.12.2022 / 10:20 15

«Буду ставіць адзнакі толькі за рускія адказы». Беларускамоўныя школьнікі дзеляцца ў тыктоку выпадкамі дыскрымінацыі на ўроках

Падлеткі пішуць, як ім зніжаюць адзнакі за беларускія словы ў кантрольных або проста не правяраюць такія працы.

Фота: AP Photo / Michal Dyjuk

У адным з ролікаў дзяўчына-падлетак з райцэнтра дзеліцца фрагментам размовы са школьным выкладчыкам. Яна кажа настаўніцы, што тая не можа забараніць ёй адказваць па-беларуску, бо ў краіне дзве дзяржаўныя мовы. А ў адказ чуе:

«У нас рускамоўная адукацыя, таму я не буду больш ставіць адзнакі за беларускія адказы, толькі за рускія».

У каментарах дзеці пішуць, што не толькі яна сутыкнулася з непрыняццем роднай мовы на ўроках.

«Мне забаранілі весці дзённік па-беларуску. А некаторыя настаўнікі кажуць: «Калі ты будзеш ужываць беларускую, я табе дам карткі па тэорыі», — дзеліцца школьнік. Ён дадае, што так сябе праяўляюць не ўсе настаўнікі, але ж сярод апанентаў беларускамоўнасці ёсць завуч.

Іншая дзяўчына расказала, што ёй дазваляюць весці па-беларуску сшыткі, канспекты і дзённік, але ж забараняюць адказваць, а лабараторную работу, напісаную па-беларуску, проста не сталі правяраць.

Нават наведванне беларускамоўнай школы не выратоўвае ад выпадкаў дыскрымінацыі. Так, адзін са школьнікаў расказаў, як настаўнікі злуюцца на праявы беларускамоўнасці, а іншая дзяўчына падзялілася тым, што вучні яе беларускамоўнай школы вымушаныя карыстацца падчас алімпіяд рускамоўнымі заданнямі.

А вось так у роліку апісвае свае прыгоды яшчэ адзін падлетак:

«Здагадайцеся, каму сёння зрабілі заўвагу з-за аднаго беларускага слова ў самастойнай рабоце… Мне яшчэ забаранілі пісаць на ёй, бо будуць зніжаць адзнаку». Замест слова «ответ» школьнік напісаў «адказ».

У каментарах аўтар роліка ўдакладняе, што праз гэты выпадак яго цяпер клічуць «бандэраўцам», што выклікала здзіўленне ва ўкраінскіх каментатараў, якія не разумеюць такога стаўлення да дзяржаўнай мовы ў Беларусі.

«Заўтра пайду даказваць класнай, што ў дзённіку напісана: запаўняць дзённік на адной з дзяржаўных моў. І вось што яна мне зробіць?» — гатовы да выклікаў іншы падлетак.

Адзначым, што хапае і школьнікаў, якія дзеляцца ў тыктоку, што спакойна размаўляюць па-беларуску на ўроках і не маюць з гэтым праблем.

«Наша Нiва» — бастыён беларушчыны

ПАДТРЫМАЦЬ

Як перавесці сацсеткі і месенджары на беларускую мову

«У нас мову адабралі, дык хай хоць дзеці змогуць на ёй размаўляць». Як адбывалася беларусізацыя 1990-х

«Прыйшоў час успамінаць сваё». Беларусы — пра тое, як вайна падштурхнула іх размаўляць па‑беларуску

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Грышка / адказаць
09.12.2022
Слава Богу! Слава гэтым школьнікам! Яны годныя сыны й дочкі Беларусі. Шануюць родную беларускую мову. Маем беларускую самапавагу. Няхай выйграюць!
0
Stary Olsa / адказаць
10.12.2022
Разумеючы гэтыя жахі, так прыемна ведаць, што падлеткі пераходзяць на беларускую яшчэ ў школе! Нарэсьце чуваць голас беларускамоўнае школьнае моладзі. У свае гады, на жаль, не засьцігла такога, была адзінокай у сваёй празе да беларушчыны. Гэтыя дзеці - фундамэнт беларускае нацыі, шчырая мая вам павага!
2
2345342 / адказаць
10.12.2022
так в Лебедькиной новой конституции русский остается государственным https://kanstytucyja.online/index.php/new-constitution.html статья 7

так что все в порядке, тихановская вас спасет
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2022 2023 2024
снежань студзень люты
ПН АЎ СР ЧЦ ПТ СБ НД
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31