Знайсці
07.01.2023 / 11:157РусŁacБел

Чым больш людзі ездзяць, тым лепш сябе адчуваюць — даследаванне

Вучоныя з Універсітэцкага каледжа Лондана апыталі больш за тры тысячы дарослых жыхароў паўночнай Англіі.

Навукоўцаў цікавіла, як часта апытаныя людзі ад’язджаюць ад свайго дома на адлегласць больш чым 15 міль (24 кіламетры), піша The Times.

І што ж выявілася? Тыя, хто рэгулярна ці як мінімум часта ездзяць далей, апісвалі сваё здароўе больш пазітыўна, чым дамаседы, і гэта было асабліва актуальна ў выпадку з пажылымі людзьмі.

Выснова ў даследчыкаў нечаканая: важна, каб грамадскі транспарт быў добра развіты, каб нават людзі без уласных аўтамабіляў маглі ездзіць, сустракацца, падарожнічаць.

Праца даследчыкаў з’явілася ў выданні Transport & Health.

Важнай характарыстыкай навукоўцы называюць колькасць месцаў, якія чалавек наведвае за межамі свайго квартала. Чым больш гэтых месцаў, тым больш чалавек сацыяльна актыўны, а гэта добра для ягонага здароўя. Адпаведна, лічаць даследчыкі, іх праца паказвае, што важна інвеставаць у паляпшэнне грамадскага транспарту — цягнікоў і аўтобусаў.

Адзінота шкодзіць здароўю, павялічвае рызыку высокага крывянога ціску, сардэчных захворванняў, атлусцення, дэпрэсіі і дэменцыі. Адзінота павышае рызыку заўчаснай смерці на 26 працэнтаў, і эксперты кажуць, што самотнасць трэба лічыць адной з праблем грамадскай аховы здароўя, аналагічнай курэнню і атлусценню. 

Забаўкі не для кожнага. Якія снегаходы і квадрацыклы прадаюць у Беларусі? Некаторыя каштуюць як кватэра

Жыхар Вілейкі сваімі рукамі сабраў усюдыход, яго назвалі «Бегемотам»

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
08.01.2023
Aūtobus na fotcy zalikovy ! Varany-pieravarany, z uspaminami pra piersy paliot čalavieka ū kosmas... Dobry kandydat dlia knihi rekordaū Hinesa !
0
Максим Дизайнер/адказаць/
13.01.2023
Кто вот на этом, что на фото ездил, точно не становятся счастливее. Я - ездил на даче.
0
Максим Дизайнер/адказаць/
13.01.2023
Жвір,

Тоже не понимаю всю эту шизу с путешествиями. Я каждый раз по приезду месяц в спирте отмокаю после этих "впечатлений". Особенно после каких-нибудь ж мира, где пожрать в ресторане - 50 евро. 
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера