Знайсці
20.01.2023 / 17:07РусŁacБел

У Гродне прадаюць Дом афіцэраў за адну базавую

Дом афіцэраў у Гродне выставілі на продаж па сімвалічнай цане ў адну базавую велічыню. Знайсці інвестара за нармальныя грошы амаль за сем гадоў так і не ўдалося, піша выданне «Вячэрні Гродна».

Фота: grodnonews.by

Будынак Дома афіцэраў (першапачаткова — Дом стральца) на вуліцы Ажэшка пабудаваны ў 1935 годзе ў стылі польскага канструктывізму. У 1973-м да яго зрабілі прыбудову пад канцэртную залу.

Будынак ужо некалькі гадоў не выкарыстоўваецца. Спробы ўладаў прадаць яго, у тым ліку на электронных таргах, штораз былі няўдалыя.

У 2015 годзе дом выстаўляўся па пачатковай цане 5,15 млн дэнамінаваных рублёў (на той момант 2,96 млн даляраў). Праз пару гадоў таргі стартавалі ўжо з 1,26 млн рублёў, г.зн. цана знізілася на 80%. У лютым мінулага года таргі таксама не адбыліся, хоць пачатковы цэннік складаў каля 773,6 тыс. рублёў.

Цяпер гэты аб'ект аддаюць амаль задарма — за сімвалічныя 37 рублёў (адна базавая). Аднак, як высветліла выданне ў Гродзенскім гарвыканкаме, пакупнік будзе абавязаны выканаць некалькі ўмоў.

Перш за ўсё яму трэба будзе ў кароткія тэрміны знесці прыбудову (не пазней за шэсць месяцаў з моманту зацвярджэння праектнай дакументацыі), а сам Дом афіцэраў рэканструяваць на працягу чатырох гадоў з моманту заключэння дагавора куплі-продажу.

Пакупнік зможа ператварыць гістарычны будынак плошчай больш за 5 тыс. кв. м у забаўляльны цэнтр, гасцініцу, рэстаран, краму ці іншы падобны аб'ект.

Дакладная дата аўкцыёну, які ладзіць «Гроднааблмаёмасць», стане вядомая пазней. 

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера