Правакатар-дальнабойшчык Юрый Комар працуе ў кампаніі з Беластока
Правакатар-дальнабойшчык, па даносах якога ГУБАЗіК затрымлівае і збівае беларусаў, аказаўся работнікам кампаніі з Беластока, даведаўся BYPOL.
BYPOL паведамляе, што 41-гадовы Юрый Комар з Мазыра працуе кіроўцам-міжнароднікам у польскай фірме AZONIK SP.ZP.O.O. Гэтая кампанія зарэгістраваная ў Беластоку.
Комар працуе дальнабойшчыкам на маршрутах з Кітая, Расіі, Беларусі ў краіны Еўрасаюза. Доляй кампаніі, у якой працуе Комар, валодаюць бізнэсмены з Расіі і Беларусі.
BYPOL падкрэслівае, што ўсю інфармацыю яны перададуць праваахоўным органам Польшчы, а таксама іншым зацікаўленым асобам.
Юрый Комар падчас рэйсаў праводзіць час у «чат-рулетцы». Там ён называе сябе грамадзянінам Украіны і правакуе людзей, з якімі мае зносіны, на рэзкія выказванні на адрас Аляксандра Лукашэнкі. Пасля ён выкладвае відэазапісы ў вольны доступ у інтэрнэце.
Вядома, што пасля таго, як Комар пачаў выкладваць свае відэа ў інтэрнэт, былі затрыманыя некалькі чалавек. Затрыманых лукашэнкаўскія сілавікі збівалі.
Чытайце таксама:
Гэты лукашэнкавец правакуе людзей у чат-рулетцы, а пасля іх затрымліваюць і збіваюць. Расказваем, хто ён
«Прагназуе паражэнне Расіі ў вайне і што пасля гэтага ў Беларусі можа пачацца рэвалюцыя». Па даносах лукашыста, які правакуе людзей у чат-рулетцы, затрымалі яшчэ чацвярых
![Клас Клас](https://dcsfxzu8xls6u.cloudfront.net/images/reactions/reaction-like.png)
![Панылы сорам Панылы сорам](https://dcsfxzu8xls6u.cloudfront.net/images/reactions/reaction-facepalm.png)
![Ха-ха Ха-ха](https://dcsfxzu8xls6u.cloudfront.net/images/reactions/reaction-smile.png)
![Ого Ого](https://dcsfxzu8xls6u.cloudfront.net/images/reactions/reaction-omg.png)
![Сумна Сумна](https://dcsfxzu8xls6u.cloudfront.net/images/reactions/reaction-sad.png)
![Абуральна Абуральна](https://dcsfxzu8xls6u.cloudfront.net/images/reactions/reaction-anger.png)