Знайсці
01.02.2023 / 08:213РусŁacБел

ЗША дадуць Украіне ракеты далёкасцю да 150 км, але не 300, якія Кіеў даўно просіць

Агенцтва Reuters паведамляе са спасылкай на крыніцы ў кіраўніцтве ЗША, што Злучаныя Штаты ў найбліжэйшы час маюць намер перадаць Украіне ракеты далёкасцю да 150 км.

Фота: Мінабароны Украіны

Reuters піша, што ў новы пакет вайсковай дапамогі ЗША Украіне ўвойдуць высокадакладныя ракеты малога дыяметра наземнага базіравання (GLSDB).

Гэтыя саманаводныя ракеты амерыкана-шведскай распрацоўкі запускаюцца ў тым ліку з установак HIMARS і могуць паражаць цэлі на адлегласці многіх дзясяткаў кіламетраў.

Да гэтага часу мяжа далёкасці ракет, якія амерыканцы і іншыя саюзнікі пастаўлялі ўкраінскай арміі, складала крыху больш за 80 кіламетраў — гэта таксама ракеты да ўстановак HIMARS.

Украіна даўно просіць у ЗША і саюзнікаў высокадакладныя ракеты АТАСMS далёкасцю да 300 кіламетраў, якімі можна страляць з установак HIMARS. Да гэтага часу заходнія саюзнікі адмаўляліся перадаваць такую зброю — па неафіцыйных звестках, з-за боязі, што ўкраінцы пачнуць біць імі па цэлях у глыбіні расійскай тэрыторыі, а гэта можа прывесці да некантралюемай эскалацыі вайны.

Па звестках Reuters, пра новы пакет вайсковай дапамогі аб'ёмам 2,2 млрд даляраў будзе абвешчана ўжо на гэтым тыдні.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Марс/адказаць/
01.02.2023
Гэта добра!
0
Sparrow/адказаць/
02.02.2023
это не совсем ракеты это так называемые бомбы и к сожалению они имеют меньшую еффективность чем  ATACMS. единственно что запускать их можно с  HIMARS. стоимость $40 000 в сравнении с  ATACMS  $1 000 000.      
3
Bober do ptaków/адказаць/
02.02.2023
Влада скасовує премії військовим і виділяє мільйони на телевізійний розважальний проєкт подрузі Зеленського. Слуги народу точно хочуть перемогти у війні?
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера