Знайсці
08.02.2023 / 15:53РусŁacБел

У турэцкім Іскендэруне пасля землятрусу падняўся ўзровень мора. Ці апусцілася зямля?

У горадзе затопленая прыбярэжная зона — узровень вады не зніжаецца нават праз два дні пасля землятрусу, паведамляе турэцкі тэлеканал NTV.

Фота: ntv.com

Пасля двух моцных землятрусаў магнітудамі 7,7 і 7,6, якія закранулі 10 турэцкіх правінцый, у Іскендэруне на поўдні Турцыі (правінцыя Хатай) падняўся ўзровень мора. Затопленыя вуліцы, плошчы і дарогі. Жыхары і рабочыя эвакуіраваныя. Таксама ўлады эвакуіравалі некаторыя мясцовыя гандлёвыя пляцоўкі і банкі.

Мора разлілося ў бок бульвара Метэ Аслан. Вада паднялася вышэй за бульвар і запоўніла вуліцы і праспекты. Людзі, якія выходзілі на вуліцы пасля землятрусу, былі моцна гэтым здзіўленыя.

Дамы на берагавой лініі эвакуіраваны як з-за рызыкі землятрусу, так і з-за рызыкі затаплення.

Адміністрацыя раёна Іскендэрун папярэдзіла жыхароў рэгіёна аб тым, каб яны не ўваходзілі ў пашкоджаныя дамы, а таксама аб праблемах, якія могуць узнікнуць з-за разліву мора ў прыбярэжнай зоне. Людзі імкнуцца заставацца ў парках і закрытых вулічных рынках пасля стыхійнага бедства.

Фота: ntv.com

Землятрусы, якія адбыліся 6 лютага, па словах прэзідэнта Эрдагана, сталі самымі разбуральнымі з 1939 года. Па апошніх даных, колькасць ахвяр прыроднай катастрофы перавысіла 9 тысяч чалавек і працягвае расці.

Да 12 лютага ў краіне аб'яўлена агульнанацыянальная жалоба, а ў закранутых землятрусамі рэгіёнах на тры месяцы ўведзена надзвычайнае становішча.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера