Знайсці
19.02.2010 / 18:021РусŁacБел

Памёр сіньёр Лавацца, імя якога стала сінонімам кавы

У веку 78 гадоў памёр Эміліё Лавацца — чалавек, які зрабіў сваё імя сінонімам кавы.

Каля 40 гадоў Лавацца кіраваў кампаніяй, якая насіла яго імя. За гэты час марка Lavazza стала папулярнай ва ўсім свеце. У сябе на радзіме, у Італіі, гэтая кампанія кантралюе амаль палову ўсіх рознічных продажаў.

«Ён не быў публічнай персонай.

[Людзі з Турына] вельмі цэняць сваё прыватнае жыццё. Але менавіта Эміліё вывеў гэтую кампанію на міжнародны рынак», — заявіў у інтэрв’ю Бі‑Бі‑Сі прэс‑сакратар кампаніі Lavazza.

Эміліё Лавацца вельмі цаніў спакой і прыватнае жыццё і

даў толькі адно інтэрв’ю італьянскай газеце. Гэта адбылося 15 гадоў таму.

Экспансія сямейнага бізнесу

Кампанія была заснаваная дзедам Эміліё Луіджы Лавацца ў 1895 годзе.

Сам Эміліё прыняў кіраўніцтва кававым бізнэсам пасля смерці свайго бацькі, якога, як і дзеда, звалі Луіджы, у 1971 годзе.

Менавіта Эміліё разгарнуў маркетынгавую кампанію за межамі не толькі Турына, але і ўсёй Італіі,

дзякуючы чаму ў некаторых краінах слова «лавацца» стала амаль сінонімам слову «эспрэса».

Першае замежнае прадстаўніцтва Lavazza было адкрыта ў 1982 годзе ў Францыі. Зараз кампанія працуе нават у такіх краінах, як Бразілія і Індыя і з’яўляецца шостай у свеце кампаніяй па аб’ёмах абсмажавання кавы.

Паводле папярэдніх падлікаў, аб’ём продажаў Lavazza за 2009 год можа скласці больш за 1,1 млрд еўра.

Расійская служба Бі-Бі-Сі

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера