Сапраўдная беларуская кухня: Фаршыраваны трус
1 трус, 250 г свіной карэйкі або вяндліны, 1 цыбуліна, 1 пячонка труса або зайца, 100 г белага хлеба ці Ѕ шклянкі цёртых сухароў, 3 ст. лыжкі сечанай зеляніны, 3 ст. лыжкі тлушчу, Ѕ л булёну або вады, Ѕ шклянкі віна ці кіслага соку, 2—3 ст. лыжкі смятаны, 1 ст. лыжка мукі, соль, чорны і чырвоны молаты перац, гарчыца да смаку.
Свініну разам з цыбуляй, пячонкай і размолатым белым хлебам прапусціць праз мясарубку. Атрыманы фарш тушыць, дадаўшы прыправы, сечаную зеляніну і крыху вадкасці.
Тушку ачысціць, нацерці ўнутры соллю, перцам і гарчыцай. Напоўніць фаршам брушную поласць труса, зашыць. Мяса падпячы з усіх бакоў на патэльні, пасля чаго яго можна тушыць ці смажыць. У абодвух выпадках варта падтрымліваць ўмераную тэмпературу, каб мяса было гатова толькі праз дзве-тры гадзіны. Падчас тушэння мяса павінна быць напалову пагружанае ў вадкасць, падчас смажання праз кожныя 10 хвілін яго трэба паліваць. Для гэтага з галавы і ног труса трэба зварыць булён, дадаць да яго кіслы сок, смятану і прыправы. Мяса можна падаваць у гарачым і ў халодным выглядзе.
