Znajści
Ałharytmičny łacinski varyjant
25.11.2005 / 13:00RusŁacBieł

«Hazeta vyborča»: Admoŭlena najstarejšaj biełaruskaj hazecie

«Biełpošta» admoviła ŭ raspaŭsiudzie «Našaj Nivie» — najstarejšaj biełaruskaj hazecie, a taksama bolš jak dziasiatku miascovych, pieravažna biełaruskamoŭnych, vydańniaŭ.

«Aproč štotydniovika «Naša Niva», z katalohaŭ «Biełpošty» była vyklučana taksama adzinaja apazycyjnaja štodzionnaja hazeta «Narodnaja vola» z 30-tysiačnym nakładam, a taksama niekalki rehijanalnych hazet. Nieŭzabavie taki los, mahčyma, čakaje inšyja niezaležnyja vydańni, — havoryć «Hazecie vyborčaj» Volha Babak ź Biełaruskaj asacyjacyi žurnalistaŭ. I dadaje: — U bolšaści heta hazety biełaruskamoŭnyja. I choć pisali jany pieravažna na miascovuju tematyku, ale ž byli niezaležnyja ad dziaržavy».

Dla intelihiencyi asablivaj hazetaj-symbalem źjaŭlajecca «Naša Niva». Jaje možna paraŭnać z polskim «Tyhodnikam paŭšechnym».

Tyja dziasiatak ź liškam hazet, vyklučanych z paštovaha katalohu, mohuć pakul što pradavacca ŭ kijoskach, ale nichto nia viedaje, jak doŭha heta budzie mahčyma.

Inšyja apazycyjnyja hazety byli jašče raniej likvidavany pastanovami sudoŭ režymu ci štrafami padatkovych orhanaŭ. Siońnia siarod niedziaržŭnych ŚMI pieravažajuć vydańni z paradami ab zdaroŭi, skanvordami dy anekdotami. A dziaržaŭnyja hazety pierapoŭnieny prapahandaj u savieckim styli: «Sustreča prezydenta sa studentami — heta praciah niepasrednaha dyjalohu kiraŭnictva dziaržavy z moładździu». Pisała ahienctva BiełTA pra sustreču Alaksandra Łukašenki sa studentami ŭ Mahilovie.

Režymu pieraškadžajuć navat studenckija vydańni, takija, jak časopis «Studenckaja dumka». Niekalki dzion tamu milicyjanery i kadebisty kanfiskavali numary, jakija lažali ŭ internet-kaviarniach u centry Miensku.

«U Biełarusi niezaležnyja ŚMI dahetul mieli adnosny spakoj, kali nia nadta krytykavali ŭłady. Ciapier im admaŭlajuć u pravie na isnavańnie tolki za toje, što jany niezaležnyja. Dumaju, heta pierałomny momant. Aŭtarytaryzm pieratvarajecca ŭ tatalitaryzm», — havoryć «Hazecie vyborčaj» hałoŭny redaktar «Našaj Nivy».

Skaročana.

Клас
0
Панылы сорам
0
Ха-ха
0
Ого
0
Сумна
0
Абуральна
0
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera