Znajści
Ałharytmičny łacinski varyjant
29.01.2013 / 08:2419RusŁacBieł

Hanna Čapman: Sa mnoj razmaŭlać biessensoŭna

Stvaralniki prahramy nie kažuć, adkul u ich infarmacyja pra atručeńni Łukašenki, a ŭ pres-słužbie kiraŭnika krainy film nazyvajuć «tryźnieńniem sivoj kabyły».

Alaksandra Łukašenku niekalki razoŭ sprabavali atrucić. Zamachi CRU na žyćcio biełaruskaha kiraŭnika vykryła ŭ svajoj prahramie «Tajamnicy śvietu» — «Adkryćci. Ahienty ŭ biełych chałatach» rasijskaja eks-špijonka, televiadučaja Hanna Čapman na kanale «RIEN TV».

Jeŭraradyjo pacikaviłasia ŭ Hanny Čapman, adkul u stvaralnikaŭ prahramy hetaja infarmacyja i nakolki joj možna daviarać. «Ja lepš vaš numar dašlu svaim redaktaram, a sa mnoj biessensoŭna razmaŭlać, dobra?» — z vybačeńniami byłaja špijonka pakłała słuchaŭku.

Abiacańni rasijskaj televiadučaj, što jaje redaktary abaviazkova patelefanujuć karespandentu, zastalisia niavykananymi — nichto ciaham dnia tak i nie adhuknuŭsia. Bolš za toje, pradziusarka prahramy Čapman Julija Šamal nie adkazała na telefanavańni ź biełaruskaha numara.

Nahadajem, pavodle Hanny Čapman, pieršy raz Łukašenku sprabavali atrucić bruśničnym sokam, druhi — na im vypraboŭvali novy typ narkotykaŭ. Zhodna ź viersijaj stvaralnikaŭ prahramy, za minskim vybucham 2008 hoda taksama stajała CRU. Tady ahienty raspylili haz, jaki «pavinien byŭ prymusić prahresavać staruju chvarobu Łukašenki — mazaičnuju psichapatyju», havorycca ŭ prahramie.

«Heta — tryźnieńnie sivoj kabyły! — kamientuje infarmacyju pres-sakratar kiraŭnika krainy Pavieł Lohki. — A hetym ludziam ja zyču tvorčaha rostu, na što jany bližejšym časam naŭrad ci mohuć raźličvać, i novych kreatyŭnych idej».

Jak moža infarmacyja pra zamachi adbicca na rejtynhu kiraŭnika krainy, Lohki razvažać admaŭlajecca.

Nie vieryć u praŭdzivaść infarmacyi «ad Čapman» i žurnalist, aŭtar knihi «Vypadkovy prezident» Pavieł Šaramiet, jaki taksama fihuruje ŭ prahramie «RIEN TV»: «Łukašenka panična baicca zamachaŭ, jon daŭno siabie atačyŭ ščylnym kołam achoŭnikaŭ — nichto nie moža prosta tak da jaho nablizicca. A tym bolš kab atrucić jaho bruśničnym sokam, jak tam śćviardžajecca. Tamu heta ŭsio śpiekulacyi, pustyja razmovy i hłupstvy».

Prahramu Čapman Pavieł Šaramiet nazyvaje «drennym aniekdotam». I pryhadvaje, što letaś jana stvarała prahramy pra inšapłanietnikaŭ, a ciapier — pra palitykaŭ. «Prahrama — skandalnaja. Plus u jaje ŭ hrupie pracuje žurnalist ź Biełarusi — jon, vidać, i padkazaŭ joj hetuju temu. Nijakaj dziaržzamovy Kramla ci jakoj inšaj łuchty za hetym nie staić».

Što tyčycca CRU, to, upeŭnieny Šaramiet, jaho abrali nievypadkova — heta staradaŭniaje pudziła dla ŭsich hramadzian byłoha SSSR. Nichto b nie pavieryŭ, što zamachi moža arhanizavać niejkaja jeŭrapiejskaja śpiecsłužba.

Źmicier Łukašuk, Jeŭraradyjo

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera