Rasija patrabuje vyvieści ŭkrainskaje vojska z paŭdniovaha ŭschodu Ukrainy
Rasija choča zabaranić Ukrainie dysłakavać vojski ŭ niekatorych častkach krainy. Pra heta havorycca ŭ zajavie MZS RF, jakoje cytuje ITAR-TASS.
Rasijski bok «znoŭ nastojvaje na nieadkładnaj deeskałacyi situacyi na paŭdniovym uschodzie Ukrainy, advodzie padraździaleńniaŭ ŭkrainskaj armii i pačatku realnaha ŭnutryŭkrainskaha dyjałohu z achopam usich rehijonaŭ i palityčnych utvareńniaŭ krainy», — skazana ŭ zajavie dypviedamstva RF.
U pryvatnaści, u Maskvie «vielmi ździŭlenyja skažonaj interpretacyjaj kijeŭskimi ŭładami, a taksama amierykanskimi partniorami źmiestu pryniataj 17 krasavika hetaha hoda ŭ Ženievie zajavy pa vynikach čatyrochbakovaj sustrečy pradstaŭnikoŭ Rasii, ZŠA, ES i Ukrainy».
Taksama rasijskija dypłamaty ličać, što pravodziačy antyterarystyčnuju apieracyju, ukrainskija ŭłady parušajuć pravy ludziej, jakija zachapili administracyjnyja budynki ŭ niekalkich haradach Danieckaj vobłaści.
