Pomnik Iziasłavu i dziciačy park kultury i adpačynku adkryjuć u Zasłaŭi ŭ bližejšyja dni
Pomnik zasnavalniku Zasłaŭja kniaziu Iziasłavu budzie adkryty ŭ horadzie ŭ bližejšyja dni, paviedamili va ŭradzie pa vynikach praviedzienaj namieśnikam premjer-ministra Anatolem Tozikam rabočaj narady pa pytańniach padrychtoŭki Dnia biełaruskaha piśmienstva.
«Hetymi dniami ŭ Zasłaŭi taksama płanujecca adkryć dziciačy park kultury i adpačynku i mini-futbolnuju placoŭku na terytoryi siaredniaj škoły №1. Novaje žyćcio paśla rekanstrukcyi atrymajuć amfiteatr na Centralnaj płoščy, škoła mastactvaŭ, Dom kultury i dom bytu, budynak čyhunačnaha vakzała, kafe», — paviedamili ŭ pres-słužbie.
U čas narady Anatol Tozik aznajomiŭsia z prahramaj praviadzieńnia XXI Dnia biełaruskaha piśmienstva. Jak było adznačana, adkryćcio śviata budzie mieć svaje asablivaści i nasyčany źmiest. Raznapłanavymi buduć i jaho tvorčyja prahramy.
Z udziełam vice-premjera byli abmierkavany pytańni, źviazanyja z arhanizacyjaj raboty knižnych paviljonaŭ i kirmašoŭ, vystavak vyrabaŭ narodnaj tvorčaści, prezientacyjaj vydaviectvaŭ i turystyčnych ahrasiadzib.
Dzień biełaruskaha piśmienstva ŭ 2014 hodzie projdzie ŭ Zasłaŭi 7 vieraśnia.