Druhi siezon «Kraj|BY» raspačynajecca na vadzie: tajamničaja Narač
Vandravać lubiać usie. Praŭda, niekatoryja pra heta pakul nie zdahadvajucca. I dla aktyŭnych vandroŭnikaŭ, i dla patencyjnych kulturnickaja kampanija «Budźma biełarusami!» i Tavarystva biełaruskaj movy imia F.Skaryny raspačynajuć druhi siezon prajekta «Kraj|BY» i prapanujuć vandravać… online!
I najpierš nakirujemsia da najbujniejšaha voziera krainy i paznajomimsia z fantastyčnymi faktami z historyi Naračanščyny. Dzie šukać na sučasnaj mapie Mały Miadzieł? I jak za 5 hadoŭ miascovyja žychary 6 razoŭ źmianili hramadzianstva? Žadajecie adkryć štości novaje ŭ dobra nibyta viadomym? U hetkim razie nam z vami ŭ adzin bok!
Biełaruski kraj prychavaŭ ad nas proćmu malaŭničych miaścinaŭ, jaskravych historyj i zachaplalnych lehiendaŭ! Adšukajma ich razam!
Ad 11 žniŭnia i kožny aŭtorak vas čakaje online-padarožža ŭ śviet tajamnicaŭ, intryhaŭ i cikavostak, jakija zachoplena źbiraje dla ŭsich nas tvorčaje abjadnańnie «PAN-studyja».
«Kraj.BY» – sieryja filmaŭ, u jakich ščyra, z humaram i ŭ režymie tač-skryn Pavał Charłančuk i Virus biełaruščyny, jaki zavioŭsia ŭ studyjnym kampjutary, raskazvajuć pra biełaruskija miaściny, u jakija varta viartacca znoŭ i znoŭ. Druhi siezon multymiedyjnaha prajekta pradstaŭlajuć supolna Tavarystva biełaruskaj movy imia F.Skaryny i Hramadskaja kulturnickaja kampanija «Budźma biełarusami!».