Da 500-hodździa bitvy pad Oršaj raspracavali nastolnuju hulniu «1514»
Hulnia, rapracavanaja art-studyjaj «PRAS» da 500-hodździa bitvy pad Voršaj, na pačatku vieraśnia pačnie pradavacca ŭ kramach Biełarusi.
Jak viadoma, 8 vieraśnia 1514 hoda adbyłasia adna z najbolš važnych vajskovych pieramohaŭ biełaruskaha vojska: litviny razhramili vojski maskoŭcaŭ na rečcy Krapiŭna, što pad Oršaj. U hetym hodzie słavutaj pieramozie našych prodkaŭ spaŭniajecca 500 hod.
Art-studyja «PRAS» z hetaj nahody raspracavała nastolnuju hulniu, jakaja tak i nazyvajecca «1514», biez namiokaŭ i nakidaŭ — prosta adznačyć znakavuju dla ŭsich sučasnych biełarusaŭ padzieju. Bo, jak kažuć, chto nie viedaje svajoj historyi — u taho niama budučyni!
Hulnia składajecca z hulniavoha pola pamieram A2 (420×594 mm), šaści fihurak piachoty, artyleryi i kavaleryi, 60 dapamožnych kartak z vajskovymi zadačami, kubika dla vyznačeńnia ruchu dy, adpaviedna, praviłaŭ hulni.
Kožny elemient dyzajnu zrobleny pavodle histaryčnych dakumientaŭ: na hulniavym poli źmieščany staražytny aršanski zamak, tahačasnyja sieliščy, młyny i vajskovyja łahiery, a ŭ vokładcy i kartkach — čarciažy vajskovaha ŭzbrajeńnia Siaredniaviečča.
Prodaž hulni pačniecca na pačatku vieraśnia, a prezientacyja projdzie 8 vieraśnia 2014 hoda ŭ kniharni «łohvinaŬ», dzie taksama i nadalej nastołku možna budzie nabyć.
Na dadzieny momant možna rabić pieradzamovy na internet-placoŭcy symbal.by, kab nabyć hulniu sa źnižkaj ci atrymać poštaju ŭ lubuju kropku Biełarusi, dakładnaja infarmacyja pra nastołku nieŭzabavie budzie dastupnaja na śpiecyjalnym sajcie hulni «1514».
Miechanika i praviły hulni «1514»
Hulcy dzielacca pa kamandach u cotnaj kolkaści (mohuć hulać 2, 4 abo 6 hulcoŭ) i vyznačajuć, chto budzie litvinam, a chto maskoŭcam. Dalej hulcy atrymlivajuć kožny pa adnoj z 3-ch fihur: piachota, artyleryja, kavaleryja — dy kidajuć pa čarzie kubik ź ličbami praciahłaści choda. Kali fihurka spyniłasia na čyrvonym kruzie, hulec atrymlivaje čyrvonuju kartku (kali na čornym — čornuju) i vykonvaje adpaviednuju zadaču, paznačanuju ŭ kartcy.
U vypadku, kali fihurka spyniłasia na kruzie, dzie ŭžo staić fihurka supiernika, adbyvajecca «boj» i fihurka supiernika, jak abaronca, adychodzić na adzin krok nazad (bližej da svajho łahiera).
Nastołka pryznačanaja dla ludziej ad 6 hadoŭ, siaredni čas hulni — 45 chvilin, kolkaść hulcoŭ — 2, 4 albo 6.
Zadačy, jakija prapanujecca vykanać, majuć histaryčny padtekst: što «viazuchi», što «nieviazuchi» źmiaščajuć u sabie infarmacyju, jakaja hruntujecca na realnych zababonach, padziejach i asablivaściach vajskovaj spravy Siaredniaviečča Uschodniaj Jeŭropy, ale ŭsio biez ukazańnia asobaŭ i miescaŭ z metaj zrabić hulniu bolš univiersalnaj.
