Znajści
Ałharytmičny łacinski varyjant
31.08.2014 / 12:2421RusŁacBieł

Fotafakt: novyja suvieniry da jubileju pieramohi pad Oršaj

U prodažy źjavilisia novyja suvieniry da 500-hodździa Aršanskaj bitvy.

Ich možna kupić u internet-kramie «Imbryk».

Pieršy - suvienirny miedal ad mastaka Hienika Łojki. Administracyja kramy papiaredžvaje, što jaho nakład abmiežavany. Druhi prapanavany suvienir bolš praktyčny - vokładka dla pašparta z vyjavaj rycara pad nacyjanalnym bieł-čyrvona-biełym ściaham.

Bitva pad Oršaj adbyłosia 8 vieraśnia 1514 h padčas čarhovaj vajny z Maskoŭskim kniastvam, kali maskoŭskija vojski sprabavali zachapić terytoryju Biełarusi i Litvy. Adnym z hałoŭnych hierojaŭ bitvy byŭ hietman Kanstancin Astrožski. Mienavita jon byŭ na čale 30-tysiačnaha biełaruskaha vojska, jakoje całkam raźbiła 80-tysiačnaje maskoŭskaje vojska.

Adznačać 8 vieraśnia jak Dzień biełaruskaj vajskovaj słavy pačali tolki ŭ kancy 80-ch. A ŭ 1992 hodzie ŭ hadavinu vialikaj bitvy na płoščy Niezaležnaści ŭ Miensku biełaruskija aficery ŭračysta pryniali prysiahu na viernaść rodnaj krainie i narodu. 8 vieraśnia 1992 hoda ŭ Miensku byli pryviedzienyja da prysiahi 12 aficeraŭ i 3000 žaŭnieraŭ zapasu. Tady ŭdzielniki hetaj prysiahi padviarhalisia cisku z boku ŭładaŭ, ale praź vielmi karotki čas prysiahu na viernaść Biełarusi pryniali ŭsie vajskovyja častki.

Chartyja-97

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera