Cudoŭnaje vosieńskaje nadvorje čakaje biełarusaŭ najbližejšymi dniami
Siońnia Biełaruś budzie znachodzicca na paŭdniova-ŭschodniaj pieryfieryi mahutnaha antycykłonu. Da kanca dnia apadkaŭ nie čakajecca. Viecier uschodni ŭmierany. Maksimalnaja tempieratura pavietra składzie +15.. + 21°C.
U bližejšyja sutki, 18 vieraśnia, kraina budzie znachodzicca ŭ poli pavyšanaha atmaśfiernaha cisku, sfarmavanym u prachałodnaj pavietranaj masie. Čakajecca nievialikaja vobłačnaść. Biez apadkaŭ. Nočču i ranicaj u asobnych rajonach słaby tuman. Viecier paŭdniova-ŭschodni słaby da ŭmieranaha. Tempieratura pavietra minimalnaja nočču +1.. + 8°C, miescami zamarazki da 0..- 3°C, maksimalnaja tempieratura pavietra dniom +15..+21°C. Atmaśfierny cisk istotna nie źmienicca.
19 vieraśnia apadkaŭ nie čakajecca. Nočču i ranicaj u asobnych rajonach tuman. Tempieratura pavietra ŭnačy +1.. + 8°C, miescami zamarazki da 0..- 3°C; dniom +15.. + 22°C.
20 vieraśnia nočču bolšaja častka krainy jašče budzie zastavacca ŭ zonie antycykłonu, ale ŭ zachodnich rajonach užo adabjecca ŭpłyŭ atmaśfiernaha frontu z Zachodniaj Jeŭropy.
Dniom front budzie prachodzić praz terytoryju krainy. Nočču pa paŭdniovym zachadzie, dniom miescami projduć karotkačasovyja daždžy.
Nočču i ranicaj u asobnych rajonach tuman. Tempieratura pavietra ŭnačy +1.. + 8°C, u zachodnich rajonach 9.. + 11°C, pa ŭschodzie na hlebie miescami zamarazki da 0..- 3°C; dniom +12.. + 19°C, pa poŭdni da + 21°C.