Znajści
Ałharytmičny łacinski varyjant
06.04.2015 / 12:004RusŁacBieł

U siaredzinie tydnia ŭ Biełaruś vierniecca ciapło

Ciapło ŭ Biełaruś vierniecca ŭ druhoj pałovie tydnia, a pakul budzie daždžliva i chaładnavata.

Pra heta raspavioŭ načalnik słužby hidramietearałahičnych prahnozaŭ Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Dźmitryj Rabaŭ.

U aŭtorak, 7 krasavika, budzie pieravažna biez apadkaŭ, tolki dniom miescami pa poŭnačy nievialikija daždžy. U načnyja i ranišnija hadziny ŭ asobnych rajonach respubliki tuman, słaby hałalod. Tempieratura pavietra minimalnaja nočču 0 — -5°S, maksimalnaja dniom +5 — + 11°S.

U sieradu miescami karotkačasovyja daždžy. Dniom u asobnych rajonach uzmacnieńnie vietru paryvami da 15-18 m/s. Tempieratura pavietra minimalnaja nočču -4 — +3°S, maksimalnaja dniom ad + 6°S pa paŭnočnym uschodzie da + 13°S pa paŭdniovym zachadzie.

U čaćvier nočču ŭ asobnych rajonach karotkačasovyja daždžy, dniom pieravažna biez apadkaŭ. Miescami pa ŭschodzie ŭzmacnieńnie vietru paryvami da 15-18 m/s. Tempieratura pavietra minimalnaja nočču -3 — + 3°S, dniom paciapleje pa paŭdniovym zachadzie da + 14°S.

Pačynajučy ź piatnicy pačnie daminavać antycykłon i razam z paŭdniovymi viatrami pačnie viartacca bolš ciopłaje i kamfortnaje nadvorje.

 

U piatnicu pieravažna biez apadkaŭ, tolki pa paŭnočnym uschodzie krainy karotkačasovyja daždžy. Tempieratura pavietra minimalnaja nočču -3 — + 3°S, a dniom słupok termomietra daciahnucca da 8 + 14°S, pa paŭdniovym zachadzie da + 17°S.

Vychodnyja taksama abiacajuć być ciopłymi i bieź istotnych apadkaŭ.

news.tut.by

Chočaš padzialicca važnaj infarmacyjaj
ananimna i kanfidencyjna?

Клас
0
Панылы сорам
0
Ха-ха
0
Ого
0
Сумна
0
Абуральна
0
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera