Znajści
Ałharytmičny łacinski varyjant
15.04.2015 / 13:08RusŁacBieł

Štarmavoje papiaredžańnie: cykłon Udo pryniasie viecier z paryvami da 24 m/s

Štorm u Maładziečnie 13 krasavika, fota Nastaśsi Roŭdy, rh.by

16 krasavika cykłon Udo pryniasie ŭ Biełaruś viecier z paryvami da 24 m/s. Pra heta raspavioŭ načalnik słužby hidramietearałahičnych prahnozaŭ Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Dźmitryj Rabaŭ.

U čaćvier, 16 krasavika, nadvorje budzie vyznačać cykłon Udo, jaki projdzie ŭzdoŭž našych paŭnočnych miežaŭ i pryniasie ŭ Biełaruś aktyŭnyja atmaśfiernyja franty sa składanymi ŭmovami nadvorja.

U mnohich rajonach krainy, pavodle prahnozaŭ sinoptykaŭ, čakajecca ŭzmacnieńnie vietru z paryvami 17 — 22 m/s, miescami — da 24 m/s. Viecier budzie supravadžacca apadkami, u asnoŭnym daždžom. Dniom miescami navalnicy.

Tempieratura nočču + 2 + 9°S, dniom 8 + 13°S, pa poŭdni da + 15°S.

U Minsku viecier paŭdniova-zachodni — 8—13 m/s, z paryvami da 22 m/c. Časam apadki, u asnoŭnym doždž. Tempieratura nočču +5 — 7, dniom 9 +11°S.

Pra niebiaśpieku takoha nadvorja i mocnaha vietru papiaredžvaje i pres-słužba MNS.

U viedamstvie nahadali, što pry vychadzie na vulicu hramadzianam nieabchodna ŭličvać ŭmovy nadvorja i być jak maha bolš uvažlivymi da siabie i adzin da adnaho. Akramia taho, u MNS papiaredžvajuć ab mahčymych paškodžańniach linij elektrapieradačy, avaryjach na transfarmatarnych padstancyjach, abrušeńni słaba ŭmacavanych kanstrukcyj budynkaŭ i zbudavańniaŭ, rekłamnych ščytoŭ, padzieńni dreŭ i h. d.

«U metach biaśpieki začynicie vokny ŭ siabie doma. Mašynu pastaŭcie ŭ haraž, pry adsutnaści haraža mašynu varta parkavać udalečyni ad dreŭ, a taksama słaba ŭmacavanych kanstrukcyj. Znachodziačysia na vulicy, abychodźcie niaŭstojlivyja budynki, damy ź niaŭstojlivym dacham i rekłamnyja ščyty», — paraili ŭ MNS.

news.tut.by

Chočaš padzialicca važnaj infarmacyjaj
ananimna i kanfidencyjna?

Клас
0
Панылы сорам
0
Ха-ха
0
Ого
0
Сумна
0
Абуральна
0
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera