Znajści
Ałharytmičny łacinski varyjant
26.11.2015 / 07:431RusŁacBieł

7 imprezaŭ, pryśviečanych 85-m uhodkam Karatkieviča

26 listapada spaŭniajecca 85 hadoŭ słavutamu biełaruskamu piśmieńniku Ŭładzimieru Karatkieviču. Z hetaj nahody ŭ roznych haradach Biełarusi adbudziecca niekalki jubilejnych imprezaŭ.

Miensk

U staličnaj Halerei sučasnaha mastactva «Ŭ» (pr. Niezaležnaści, 37a) adbudziecca viečaryna da 85-hodździa Ŭładzimiera Karatkieviča. U imprezie voźmuć udzieł staršynia tvorčaha sajuzu Barys Piatrovič, pieršy namieśnik staršyni Aleś Paškievič, litaratary Ŭładzimier Arłoŭ, Anatol Vierabiej, Anatol Viarcinski, Leanid Drańko-Majsiuk, Siarhiej Zakońnikaŭ, Uładzimier Niaklajeŭ, śpiavak Aleś Kamocki.

Na viečarynie prezentujuć časopis «Dziejasłoŭ» № 78 z publikacyjaj raniej nie viadomych dziońnikaŭ Uładzimiera Karatkieviča. Pačatak u 18:30, uvachod volny.

Orša

U hety dzień na radzimie piśmieńnika ŭ Oršy adbudziecca adkryćcio mastackaj vystavy Biełaruskaha Sajuzu mastakoŭ «Ziamla pad biełymi kryłami — 2015». Adkryvać vystavu budzie jašče adzin viadomy aršaniec — mastak Mikoła Kupava.

A 16 hadzinie ŭ haradzkim centry kultury pačniecca śviatočny kancert, pryśviečany jubileju piśmieńnika.

Hrodna

29 listapada — «Uładzimier Karatkievič i chryścijanstva». Mastackaja kulturna-aśvietnickaja viečaryna.

Voźmuć udzieł: daśledčyki Alaksiej Piatkievič, Anatol Brusievič, manach Iaan (Biembiel), protajarej Hieorhi Roj, jarej Pavał Kaśpiarovič, rok-śpiavak Aleś Dzianisaŭ, bard Taciana Sałaŭjova. Litaraturaznaŭca Cichan Čarniakievič raspaviadzie pra apublikavany ŭ novym numary «Dziejasłova» dziońnik Uładzimiera Karatkieviča.

29 listapada, pačatak a 18.30, aktavaja zala Śviata-Pakroŭskaha sabora (Horadnia, vuł. Akademičnaja, 2)

Telebačańnie

Telekanał STV zapuściŭ u efiry akcyju pamiaci, u jakoj biełaruskija artysty čytajuć uryŭki z tvoraŭ Karatkieviča — z kazki «Čortaŭ skarb», z apovieści «Sivaja lehienda», z ramanaŭ «Dzikaje palavańnie karala Stacha», «Kałasy pad siarpom tvaim» dy inšych.

Telekanał Biełaruś-3 pačynajučy z 23 listapada kožny dzień pakazvaje mastackija filmy i spektakli pavodle tvoraŭ Karatkieviča. Užo pakazali film «Maci ŭrahanu», spektakl «Siniaja-siniaja». 25 i 26 listapada pakažuć «Čorny zamak Alšanski» i dakumentalny film pra piśmieńnika «Sivaja lehienda».

Radyjo Svaboda

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031