Znajści
Ałharytmičny łacinski varyjant
04.06.2016 / 13:3343RusŁacBieł

Seksizm ci samaironija? Haračyja sprečki vakoł klipa «Movynanovy»

Burnyja emocyi vyklikała novaje videa moŭnych kursaŭ «Movananova». U roliku dźvie pryhožyja dziaŭčyny ŭ vyšymajkach myjuć mašynu repieru Vinsent-u. Adny ŭhledzieli ŭ klipie patryjarchalnyja stereatypy, inšyja — samaironiju.

U vačach litaraturnaha krytyka Hanny Jankuty klip źniščyŭ reputacyju kursaŭ «Movananova». «Kali havaryć pra toj niaščasny rolik, to jon nie pra biełaruskuju movu, nie pra fieministak, jakija nie razumiejuć humaru, i nie pra treš. Jon usiaho tolki pra hust i pačućcie miery svaich stvaralnikaŭ, nu i, biezumoŭna, pra novuju reputacyju brendu «Mova nanova», — śćviardžaje Jankuta.

Fiłosaf i litaratar Ihar Babkoŭ ličyć ža, što krytykavać stvaralnikaŭ rolika nielha, bo Hleb Łabadzienka śviadoma «paviesialiŭsia na słavu ŭ estetycy treš-hłamuru». «Ja za Hleba», — padsumoŭvaje spadar Babkoŭ.

Paet, pierakładčyk Anton Bryl ustupaje ŭ dyskusiju z Babkovym. «Kali abjektyvacyja žančyny dla stvaralnikaŭ rolika nie vypadkovaja pamyłka hustu (jak paličyła Hanna), a kulturny kod, na jaki jany śviadoma apirajucca, to heta vy ich afihienna abaranili:-/ Kštałtu, «nijakich rudymientaŭ rasizmu, jany, praŭda, za handal niehrami».

Žurnalist i piśmieńnik Viktar Šukiełovič miarkuje, što heta prosta parodyja. «Dla mianie prosta paciešnaja parodyja na klipy z krutymi pacanami i błandzinkami ŭ bikini, ni bolš, ni mienš».

Padobnaha mierkavańnia prytrymlivajecca paetka Anchieła Eśpinosa Ruis. «Ja fieministka (ź jeŭrapiejskaj škoły, sapraŭdnaja; čym pačać napadać na mianie, viedajcie, što ja zajmałasia davoli doŭha pravami mužčyn). Usprymaju rolik jak paciešnuju parodyju na trešavy žanr:) Narmalnaja rekłama dla knihi, mnie spadabałasia. Darečy, sama kniha — šedeŭralnaja. Vielmi raju».

«Maje vočy hetaha b nie bačyli. Na pieršych 30 siekundach zrazumieŭ, što nie naležu da metavaj aŭdytoryi rolika. A jak hieroj dastaŭ i pačaŭ hartać časopis «Maxim» z vyjavaj hołaj dzieŭki na vokładcy — to prosta zakryŭ videa. Bo paskudna», — tak emacyjna vykazaŭsia krajaznaŭca z Hłybokaha Kastuś Šytal.

«Sakralizacyja biełaruskaj movy — naša vialikaja prablema, — piša žurnalistka Volha Harapučyk. — Ale pakul da taho nie dajšło, mnie nu vielmi ciažka zvyknucca da rolikaŭ, dzie biełaruskuju movu papularyzujuć mienavita tak. Tak, biełaruskuju movu varta papulizavać praz seks u tym liku, ale ž nu nie praz taki pramy adsył i biezhustoŭščynu. Seks moža być pakazany pryhoža i smačna. Heta, kaniečnie, bližej da narodu, ale ž mianie ažno pierasmyknuła ad ahidy, seksizmu i trešovaści rolika».

Palityčny ahladalnik Juryj Drakachrust paraŭnoŭvaje situacyju z rolikam «Movynanovy» z rok-malebnam hurtu «Pusi Rajt».

«Častka dysputantaŭ i dysputantak nastojvali na tym, što samaje pa sabie paniaćcie «abraza pačućciaŭ viernikaŭ» — heta dzikunstva, adstoj i ciemrašalstva. Ničyj asabisty honar i hodnaść biasstrašnyja pusi svaim chepieninham nie zakranali — nu dyk i iduć usie ciemrašały … daloka.

A situacyja z rolikam «Movananova» inšaja? Jakoje takoje abureńnie? Z čaho? Čamu niechta pryniaŭ rolu hierainiaŭ roliku na svoj rachunak? Relihijnymi pačućciami ž hrebavać možna, dy i pačućciaŭ takich niama, navat uzhadka pra ich — ciemrašalstva adno. A z hiendarnymi pačućciami chiba nie tak?:-)» — pytajecca spadar Drakachrust.

Apytanka

Źmicier Pankaviec

Chočaš padzialicca važnaj infarmacyjaj
ananimna i kanfidencyjna?

Клас
0
Панылы сорам
0
Ха-ха
0
Ого
0
Сумна
0
Абуральна
0
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera