Znajści
Ałharytmičny łacinski varyjant
14.08.2016 / 12:3811RusŁacBieł

Mahiły paŭstancaŭ, brukavanka, mikva: top-20 abjektaŭ, što stali historyka-kulturnymi kaštoŭnaściami

Staŭ viadomy śpis abjektaŭ, jakim Saviet ministraŭ Biełarusi nadaŭ status historyka-kulturnaj kaštoŭnaści. «Naša Niva» skłała rejtynh najbolš cikavych abjektaŭ, jakija ciapier buduć znachodzicca pad achovaj dziaržavy.

Tryšynskija mohiłki (Brest)

Majuć nazvu ad pasielišča Tryšyn, jakoje ŭ XX stahodździ ŭvajšło ŭ miežy Bresta. Heta, mabyć, samyja staryja mohiłki Bresta. Mnohija nadhrobki cikavyja z histaryčnaha hledzišča.

Śviata-Troickaja carkva ŭ Vialikaj Svarotvie (Baranavicki rajon)

Pabudavanaja ŭ 1823 hodzie. Adzinaja ŭ sučasnaj Biełarusi trochvuholnaja carkva.

Kryž i kaplica ŭ honar bitvy pad Miłavidami (Baranavicki rajon)

Pravasłaŭny kryž pastaŭleny ŭ 1913 hodzie ŭ honar rasijskich žaŭnieraŭ, što zahinuli ŭ 1863 hodzie pad Miłavidami. Kapličku ŭźviali ŭ 1933 užo ŭ honar paŭstancaŭ Kalinoŭskaha.

Čyhunačnaja stancyja ŭ Dubicy (Brescki rajon)

Samaja paŭdniovaja stancyja Bresckaha rajona. Pryciahvaje ŭvahu kiniematahrafistaŭ z roznych kutkoŭ za svaju malaŭničaść.

Mahiła paŭstancaŭ ŭ Kosavie (Ivacevicki rajon)

Parafijanami miascovaha Śviata-Trajeckaha kaścioła byli pachavanyja try paŭstancy — Łukaševič, Krasinski i jašče adzin nieviadomy. U 1928 hodzie na hetym miescy źjaviŭsia hranitny kryž.

Mohiłki časoŭ Pieršaj suśvietnaj vajny ŭ Niachačavie (Ivacevicki rajon)

Pachavańni aŭstryjskich i niamieckich sałdat, datavanyja 1914-1918 hadami.

Carkva ŭ Leskavičach (Šumilinski rajon)

Malaŭničaja carkva ŭ retraśpiektyŭna-ruskim styli.

Draŭlanaja zabudova vulicy Paryžskaj kamuny (Homiel)

Adna ź vizitnych kartak Homiela — unikalnaja draŭlanaja zabudova. Chacia nie ŭsie budynki dačakalisia nadańnia statusu historyka-kulturnaj kaštoŭnaści.

Kaścioł śviatoha Michaiła Archanioła (Ašmiany)

Pabudavany ŭ 1906 hodzie pa prajektu architektara Vacła Michnieviča. Architektura — nieabaroka.

Pomnik Francišku Bahuševiču ŭ Župranach (Ašmianski rajon)

Pastaŭleny ŭ 1958 hodzie. Aŭtar pomnika Zair Azhur.

Śviata-Troickaja carkva (Zelva)

Doŭhi čas prychažanaj carkvy była viadomaja paetka Łarysa Hienijuš.

Kaścioł Śviatych Symona i Judy Tadevuša ŭ Łazdunach (Iŭjeŭski rajon)

Niearamanski chram u centry vioski Łazduny.

Kompleks kaścioła śviatoha Uładzisłava ŭ Subotnikach (Iŭjeŭski rajon)

Nieahatyčny chram na radzimie Zianona Paźniaka.

Kryžaŭźvižanskaja carkva ŭ Dzialacičach (Navahrudski rajon)

Pomnik narodnaha dojlidstva. Pabudavany ŭ 1876 hodzie z dreva.

Śviata-Rastva-Baharodzickaja carkva ŭ Miževičach (Słonimski rajon)

Pomnik draŭlanaha dojlidstva, majecca draŭlany ikanastas. Pabudavanaja ŭ 1867 hodzie.

Carkva Śviatoj Paraskievy ŭ Bierštach (Ščučynski rajon)

Pabudavanaja ŭ 1816 hodzie z dreva. Bieršty — radavoje hniazdo palityka Alaksandra Milinkieviča.

Mikva ŭ Ziembinie (Barysaŭski rajon)

Mikva — heta rytualnaja habrejskaja łaźnia. Ziembin — miastečka, jakoje maje vialikuju habrejskuju historyju.

Mahiła paŭstancaŭ u Plabani (Maładziečanski rajon)

Jašče adno miesca ŭšanavańnia paŭstancaŭ 1863 hoda. Tut pachavany kiraŭnik paŭstańnia na Maładziečanščynie Juljan Bakšanski.

Chata Maksima Tanka (Miadzielski rajon)

Pilkaŭščyna — miesca, dzie naradziŭsia vialiki biełaruski paet.

Brukavanka Novy Śvieržań — Mir (Staŭbcoŭski rajon)

Vyklučnaja pa svajoj zachavanaści brukavanka, jakaja raźmiaščajecca adrazu za Niomanam.

Źmicier Pankaviec

Chočaš padzialicca važnaj infarmacyjaj
ananimna i kanfidencyjna?

Клас
0
Панылы сорам
0
Ха-ха
0
Ого
0
Сумна
0
Абуральна
0
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera