Znajści
Ałharytmičny łacinski varyjant
18.11.2016 / 14:44RusŁacBieł

Unikalnaje vydańnie dla dzietak pra mastakoŭ Viciebskaj škoły možna zamović užo siońnia

Nastolnaja kniha vašaha dziciaci na ŭvieś 2017 hod: ad Maleviča i Šahała da Ceślera i Vaškieviča ŭ ilustracyjach, kazkach, vieršach i hulniach.

Kamandaj viadomych tvorcaŭ padrychtavana da druku ŭnikalnaje vydańnie pra vybitnych majstroŭ Viciebskaj škoły, jarkich pradstaŭnikoŭ nie tolki biełaruskaha, ale i suśvietnaha mastactva. Zbor srodkaŭ na interaktyŭnuju knihu pačaŭsia na kraŭdfandynhavaj placoŭcy Ulej.by.

Samy cymus pra vydańnie

Aŭtary śćviardžajuć, što stvaryli knihu «Biełaruskaje mastactva XX stahodździa. Viciebskaja škoła», kab dzieci i darosłyja pačali znajomicca ź biełaruskim mastactvam minułaha stahodździa praz kazačnyja historyi, vieršy i tvorčuju hulniu. Hetaja kniha dapamoža zrazumieć składanyja momanty ŭ tvorach sučasnaha mastactva i paznajomić vas ź niaznanymi mastakami.

U knihu ŭvajšli tvory Kazimira Maleviča, Marka Šahała, Alesi Paśladovič, Uładzimira Ceślera, Hienadzia Chackieviča, Ludmiły Rusavaj i Rusłana Vaškieviča. Na tvorčaść kožnahaz ich nakłała svoj adbitak suśvietnaviadomaja «Viciebskaja škoła».

Na siońniašni dzień zroblena ŭsia nieabchodnaja praca dla vychadu knihi ŭ śviet. Zastałosia tolki jaje nadrukavać. Stvaralniki prajekta prapanujuć unikalnuju mahčymaść — ažyćciavić pieradzamovu hetaj knihi, kab vašyja dzieci (braty abo siostry, plamieńniki ci dzieci siabroŭ) stali nie prosta pieršymi ŭładalnikami takoj važnaj i jakasnaj knihi, ale i ŭ budučyni stali nośbitami biełaruskich kulturnickich kaštoŭnaściaŭ, vyvučeńnie jakich tak lohka pačniecca z dapamohaj hetaha vydańnia. Paznajomicca z raździełam, naprykład, pra Kazimira Maleviča možna tut.

Z čaho ŭsio pačałosia

8 miesiacaŭ tamu pracavać nad prajektam mary. Kožny z nas — havorka idzie pra udzielnikaŭ prajekta «Dziciačyja tvorčyja majsterni» — vandrujučy, počastu razhladaje knižnyja palicy kniharniaŭ pry jeŭrapiejskich muziejach kłasičnaha i sučasnaha mastactva i z prahnaściu pastsavieckaha čałavieka razhladajem dziciačyja knihi, dzie tak cikava i tak zrazumieła raspaviadajecca dziciaci pra mastactva. I viadoma, u hałavie ŭznikaje dumka: «Čamu ŭ nas takoha da hetul niama?» U rešcie rešt my nie vytrymali i pačali pracu nad knihaj

«Biełaruskaje mastactva XX stahodździa. Viciebskaja škoła». I jak tolki pačałasia praca nad joj, u praces ŭklučylisia takija ludzi, što nam samim stała strašna ad ščaścia: Adam Hłobus, Lavon Volski,Valancin Akudovič, Andrej Chadanovič, Hanna Kiślicyna i inš. I my zrazumieli, što ruchajemsia ŭ pravilnym kirunku, takaja kniha abaviazanaja źjavicca ŭ Biełarusi.

Častka kamandy, jakaja pracavała nad knihaj

Biełaruskaje mastactva XX stahodździa ŭ śviecie viadoma ŭ pieršuju čarhu dziakujučy Viciebskaj škole. Za karotki termin ŭ Viciebsku adbyłosia šmat padziej: u 1919 hodzie Mark Šahał adkryŭ pieršuju ŭ Biełarusi mastackuju vučelniu. U tym ža hodzie tudy pryjechali vykładać El Lisicki i Kazimir Malevič i nieŭzabavie stvaryli tvorčuju hrupu «Unovis». Heta byŭ čas revalucyjnaha i ramantyčnaha avanhardu, čas paŭstavańnia ŭpłyvovych idej, jakija da našaha času majuć uździejańnie na mastakoŭ usiaho śvietu.

Nam chočacca nie tolki paznajomić čytačoŭ z «Viciebskaj škołaj», ale i pakazać evalucyju jaje idej. Sučasnyja biełaruskija mastaki ŭ svaich tvorčych pošukach časta źviartajucca da nabytkaŭ viciebskich avanhardystaŭ.

Tamu ŭ knizie vy znojdziecie postaci mastakoŭ z najnoŭšaj historyi biełaruskaj kultury.

Dla kaho hetaja kniha

  • Dla pieršakłašak. Možna ličyć hetuju knihu prasunutym padručnikam z sučasnym padychodam da zasvajeńnia infarmacyi dziciaci ŭ hulniavoj i zajmalnaj formie.

  • Dla daškalat. Jany buducć vyvučać mastactva praz zajmalnyja kazki.

  • Dla darosłych. Nikoli nie pozna paznavać niešta novaje, asabliva razam sa svaim dziciem.

Čamu stvaralniki kažuć, što heta nastolnaja kniha 2017 hoda dla vašaha dziciaci?

Čytać jaje možna raździeł za raździełam, a možna adharnuć na staroncy pra vašaha lubimaha mastaka ci naadvarot — pačać z taho tvorcy, pra kaho vy zusim aničoha nie viedajecie!

U knizie vy znojdziecie kazki, vieršy, fakty z žyćcia mastakoŭ, a taksama hulni.

Kazki i vieršy pavodle karcin prydumali i zapisali viadomyja biełaruskija paety i piśmieńniki. Fakty z žyćcia vybitnych tvorcaŭ paznajomiać vas z tym, kali, jak i dzie žyli mastaki, a taksama pra ich tvorčy darobak. Hulni dapamohuć dzieciam zrazumieć niekatoryja tajamnicy mastactva. U hetaj knizie možna malavać, ź joj možna hulać, a jašče — varta čytać, razhladać i razvažać nad joj, kab zrešty navučycca razumieć sučasnaje biełaruskaje mastactva i jahonuju «Viciebskuju škołu».

Клас
0
Панылы сорам
0
Ха-ха
0
Ого
0
Сумна
0
Абуральна
0
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera