Znajści
Ałharytmičny łacinski varyjant
24.11.2017 / 20:2630RusŁacBieł

Jašče dva załatyja miedali Rasii na Alimpijadzie ŭ Sočy akazalisia dapinhavanyja. Jana adyšła na treciaje miesca ŭ miedalnym zaliku

Kamisija MAK pad kiraŭnictvam Dzianisa Osvalda pryznała vinavatymi ŭ parušeńni antydopinhavych praviłaŭ rasijskich babśleistaŭ Alaksandra Zubkova i Volhu Stulnievu, a taksama kańkabiežcaŭ Volhu Fatkulinu i Alaksandra Rumiancava, paviedamlaje RBK.

Alaksandr Zubkoŭ

Rasijskich babśleistaŭ Alaksandra Zubkova i Volhu Stulnievu, a taksama kańkabiežcaŭ Volhu Fatkulinu i Alaksandra Rumiancava rašeńniem kamisii MAK pad kiraŭnictvam Dzianisa Osvalda pryznali vinavatymi ŭ parušeńni antydopinhavych praviłaŭ, paviedamlaje aficyjny sajt arhanizacyi. Usie čaćviora pažyćciova adchileny ad udziełu ŭ Alimpijadach, ich vyniki na Hulniach-2014 u Sočy anulavanyja.

Praz admienu vynikaŭ Zubkova Rasija straciła dva załatyja miedali. U dvojkach Zubkoŭ pieramoh razam z Alaksiejem Vajavodaj. Ciapier zołata atrymajuć šviejcarcy Bit Chiefci i Aleks Baŭman. Srebra dastaniecca amierykancam Styvenu Chołkambu i Styvenu Łenhtanu. Chołkamb ŭ mai 2017 hoda pamior va ŭzroście 37 hadoŭ. U jaho kryvi byli vyjaŭlenyja ałkahol i snatvornaje. Bronzu atrymajuć rasijanie Alaksandr Kaśjanaŭ i Maksim Biełuhin.

Fatkulina vyjhrała ŭ Sočy siarebrany miedal u biehu na 500 mietraŭ. Zaraz jaje ŭznaharoda dastaniecca hałandskaj kańkabiežcy Marhat Bur, bronzu pieradaduć Čžan Chun z Kitaja. Zołata zastałosia ŭ Li San Chva z Paŭdniovaj Karei. Stulnieva i Rumiancaŭ na Hulniach 2014 hoda miedalaŭ nie vyjhravali.

Rasija apuściłasia na treciaje miesca ŭ ahulnakamandnym miedalnym zaliku. Z 33 uznaharod, vyjhranych ŭ Sočy, u zbornaj adabrali ŭžo dzieviać. Ciapier u Rasii ŭsiaho 24 miedali (10 załatych, 7 siarebranych i 7 bronzavych). Liderstva zachapili narviežcy. U ich 29 uznaharod (11 załatych, 6 siarebranych i 12 bronzavych). Druhimi stali kanadcy — 25 miedaloŭ (10 załatych, 10 siarebranych i 5 bronzavych).

rbc.ru

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera