Spartyŭny kłub u Minsku zaprašaje biaspłatna treniravacca pa vychadnych
U fizkulturna-spartyŭnym kłubie «Vołat» pravodziać akcyju «Adkrytaja zała». Kožnyja vychadnyja zajmacca tut možna budzie biaspłatna, paviedamlaje partał tut.by.
Fota: volatclub.by
— Pačynajučy z 2 śniežnia kožnuju subotu i niadzielu, z 17.00 da 20.30, naša spartyŭnaja baza pa adrasie Pieradavaja, 6 adkryta dla svabodnaha naviedvańnia, — tłumačyć zadumku staršy trenier Vital Rak. — U Biełarusi mała ludziej vybirajuć sport. My spadziajomsia, što tak ich stanie bolš.
Tym, chto pryjdzie ŭ kłub, dazvolać karystacca ŭsim invientarom. U zale jość stoł dla nastolnaha tenisa z rakietkami i miačykami, turniki, brusy, liny, hanteli i hiry, alimpijskija štanhi i nabory blinoŭ, stojki dla režymu i prysiedu, ciažkaatletyčny pamost, zaviesy TRX, viaślarny trenažor i inšaje abstalavańnie. Jak zajmacca, rastłumačyć dziažurny trenier.