Pamior były hałoŭny trenier zbornaj Biełarusi pa bijatłonie Uładzimir Płaksin
29 śniežnia 2017 hoda paśla ciažkaj i praciahłaj chvaroby pajšoŭ z žyćcia zasłužany trenier Biełarusi Uładzimir Płaksin, paviedamlaje pres-słužba Biełaruskaj fiederacyi bijatłona.
Uładzimir Płaksin naradziŭsia ŭ 1949 hodzie ŭ Minskaj vobłaści. Majstar sportu SSSR, u składzie zbornaj kamandy BSSR prymaŭ udzieł u spartakijadzie Savieckaha Sajuza. Paśla zakančeńnia spartyŭnaj karjery praciahły čas pracavaŭ dziaržaŭnym trenieram Biełarusi pa zimovych vidach sportu, hałoŭnym trenieram nacyjanalnaj kamandy Biełarusi pa bijatłonie, staršynioj dyrektarata nacyjanalnych kamand Ministerstva sportu i turyzmu.
Uznačalvaŭ štab nacyjanalnaj zbornaj na Alimpijskich hulniach 1994, 1998 hadoŭ, na jakich biełaruskija spartsmieny nieadnarazova ŭzdymalisia na pjedestał. U 1996, 1997 hadach pad jaho kiraŭnictvam nacyjanalnaja kamanda zavajoŭvała pieršyja miescy ŭ kamandnych honkach. U 1999 hodzie ŭpieršyniu mužčynskaja nacyjanalnaja kamanda pa bijatłonie stała pieramožcam čempijanatu śvietu ŭ estafiecie.