Novaja Ziełandyja zavajavała dva miedali ŭ Pchiončchanie. Adzin ź ich u 16-hadovaj Zoi Sadoŭskaj
stuff.co.nz
Bronzavym miedalistam u frystajle (chafpajp) staŭ 16-hadovy novaziełandziec Nika Parteus (vynik 94,80). Zołata i srebra ŭ frystajlistaŭ z ZŠA Devida Uajza (97,20) i Aleksa Fierejry (96,40).
Taksama siońnia bronzu ŭ dyscyplinie bih-ejr (snoŭbord) zavajavała 16-hadovaja novaziełandskaja frystajlistka Zoja Sadoŭskaja-Sinot.
Zoja na fota źleva, Reuters
Jana naradziłasia ŭ Aŭstralii, a ŭ Novuju Ziełandyju baćki pierajechali, kali joj było šeść hadoŭ. Pryčym baćka ličycca novaziełandcam, a maci — amierykankaj.
Zoja pačała zajmacca snoŭbordam u dzieviać hadoŭ. Upieršyniu na mižnarodnaj arenie jana źjaviłasia 25 lipienia 2015 hoda ŭ Kardronie (Novaja Ziełandyja) na spabornictvach Kubka Akijanii, dzie jana stała čempijonkaj u słoŭpstajle i zaniała 5 miesca ŭ chafpajpie. Na etapach Kubka śvietu Zoja debiutavała 17 śniežnia 2016 hoda ŭ ZŠA, zaniaŭšy dziaviataje miesca ŭ bih-ejry.
Bih-ejr — heta takaja dyscyplina, dzie snoŭbardyst razhaniajecca i skača ź vialikaha tramplina, vykonvajučy ŭ palocie roznyja truki. Daŭžynia palotaŭ — prykładna ad 5 da 30 mietraŭ.
Sočym za Alimpijadaj razam z bukmiekierskaj kantoraj Marafon