Rasijanie zavajavali pieršaje zołata na Alimpijadzie
Kenjiro Matsuo/AFLO/ Globallookpress.com
Rasijskaja fihurystka Alina Zahitava stała pieramožcaj Alimpijskich hulniaŭ u Pchiončchanie. Srebra zavajavała jašče adna rasijanka Jaŭhienija Miadźviedzieva, bronzu vyjhrała Kejtlin Osmand, piša rbc.ru
U advolnaj prahramie Zahitava nabrała 156,65 bała i pa sumie dźviuch prahram abyšła svaich supiernic.
Druhoje miesca ŭ žanočym adzinočnym katańni zaniała jašče adna rasijanka, Jaŭhienija Miadźviedzieva. Jana taksama nabrała 156,65 bała ŭ advolnaj prahramie, ale prajhrała Zahitavaj pa sumie bałaŭ (238,56). Paśla zakančeńnia prahramy Miadźviedzieva raspłakałasia la borcika, a zatym nie zmahła strymać ślozy, kali abjavili jaje acenku i stała vidavočnym, što jana prajhrała supiernicy.
Zołata stała pieršym dla zbornaj Rasii na Alimpijadzie ŭ Pchiončchanie. Da taho kamanda zavajavała ŭ Karei čatyry siarebranyja i vosiem bronzavych uznaharod.
Paśla pieramohi Zahitavaj zbornaja Rasii padniałasia ŭ ahulnym zaliku adrazu na šeść pazicyj i vyjšła na 15-je miesca. Lidzirujuć narviežcy, jakija zavajavali 35 miedaloŭ (13 załatych, 12 siarebranych i 10 bronzavych).
Sočym za Alimpijadaj razam z bukmiekierskaj kantoraj Marafon
