Znajści
Ałharytmičny łacinski varyjant
25.02.2018 / 11:0255RusŁacBieł

Narviehi! 5-miljonnaja kraina ź vialikim adryvam vyjhrała nieaficyjny miedalny zalik

37-hadovaja Maryt Bjorhien zavajavała 5 miedaloŭ u Pchiončchanie, aftenposten.no

Kamanda Narviehii vyjhrała nieaficyjny kamandny zalik na Zimovych alimpijskich hulniach, zavajavaŭšy 39 uznaharodaŭ. U narviežcaŭ 14 załatych, 14 srebnych i 11 bronzavych uznaharodaŭ. 14-je zołata siońnia zavajavała Maryt Bjorhien ŭ łyžnych honkach na 30 km.

14 załatych uznaharod — paŭtareńnie rekordu Kanady ŭ 2010 hodzie. Akramia taho, Narviehija pastaviła rekord pa ahulnaj kolkaści miedaloŭ — 39. Papiaredniaje dasiahnieńnie (37 miedaloŭ) było ŭstanoŭlena zbornaj ZŠA taksama ŭ 2010 hodzie.

37-hadovaja Maryt stała samaj tytułavanaj łyžnicaj u historyi Alimpijad, u jaje vosiem załatych, čatyry siarebranyja i try bronzavyja ŭznaharody. U Pchiončchanie jana zavajavała dva załatyja, adzin srebrany i dva bronzavyja miedali.

U Hiermanii na Alimpijadzie 31 uznaharoda (14+10+7), u Kanady taksama 31 (11+8+12), u ZŠA — 23 (9+8+6), u Niderłandaŭ — 20 (8+6+6), u Šviecyi — 14 (7+6+1).

Biełaruś zavajavała na Hulniach try miedali: dva załatyja (Hanna Huśkova ŭ frystajle) i ŭ estafiecie ŭ bijatłonie (Alimbiekava, Domračava, Kryŭko, Skardzina), a taksama srebra Darji Domračavaj u mas-starcie.

U nieaficyjnym kamandnym zaliku heta 15-je miesca.

A 14-j pačałasia ŭračystaja cyrymonija zakryćcia Zimovych hulniaŭ. Nastupnaja Alimpijada projdzie ŭ Piekinie.

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera