Znajści
Ałharytmičny łacinski varyjant
01.12.2018 / 15:08RusŁacBieł

«Pramień» ci «Smalavičy»? Matč žyćcia i śmierci ŭ apošnim tury čempijanatu Biełarusi pa futbole

Razam z Bukmiekierskaj kantoraj Marafon sočym za pieradapošnim turam našaj vyšejšaj lihi.

Zdajecca, jašče nikoli čempijanat Biełarusi pa futbole nie zakančvaŭsia tak pozna — u pieršyja vychodnyja zimy. Hulać pry minus 10 budzie vielmi składana. A intryh zastajecca jašče niamała.

Pa hety momant niezrazumieła, jak raźmiarkujucca miedali. Z zołatam BATE ŭsio jasna, a voś srebra i bronza ŭsio jašče pad pytańniem. Na dva kamplekty pretendujuć try kamandy. Mabyć, «Viciebsk» budzie lišnich, ale ž roznyja cudy byvajuć.

Nu i, kaniečnie, centralnym matčam budzie hulnia «Pramienia» i «Smalavičaŭ». Pieramožca zastajecca naleta ŭ vyšejšaj lizie, a prajhraŭšy — apuścicca ŭ nižejšy dyvizijon. Staŭki vielmi vysokija.

Usie matčy zaklučnaha tura adbuducca ŭ adzin dzień i adzin čas: 2 śniežnia a 14:00.

«Homiel» — «Viciebsk»

  • Babrujsk, stadyjon imia Alaksandra Prakapienki

«Viciebsk» pravioŭ cudoŭny siezon, ale da miedaloŭ moža nie dabracca. Fota vk.com.

«Homiel» vyrašyŭ nie duža pieścić svaich prychilnikaŭ i pieranios apošniuju hulniu hoda ŭ inšuju vobłaść. Sprava ŭ tym, što kiraŭnictva kamandy nie choča tracić šmat hrošaj na padahreŭ stadyjona «Centralny». U minułym tury «rysi» zachavali prapisku ŭ elicie. Jany hieraična adstajali nulavuju ničyju ŭ haściach z bresckim «Dynama».

«Viciebsk» na dadzieny momant znachodzicca na čaćviortym radku. Ad druhoha adstavańnie dva punkty, a treciaha — adzin. Tearetyčnyja šancy na miedali, viadoma, zachoŭvajucca, ale na praktycy zrabić heta budzie amal nierealna. Biez sumnievaŭ, što «Viciebsk» zrobić usio mahčymaje ad ich samich, tolki jany sami razumiejuć, što hetaha moža być vielmi mała.

Prahnoz «NN»: pieramoha «Viciebska».

«Haradzieja» — «Słuck»

  • Stadyjon «Haradzieja»

«Haradzieja» złaviła krychu kuraž naprykancy pieršynstva. Kamanda praviała niekalki vielmi jakasnych i zapaminalnych matčaŭ. Heta dazvoliła padniacca na dziaviaty radok. Vystupleńnie kamandy možna pryznać całkam zdavalniajučym. Cikava, ci sydzie ŭ mižsiezońni z kamandy sierbski haleador Bojan Dubajič, jaki tak palubiŭsia miascovaj publicy.

Pra prablemy «Słucka» ŭžo i pisać asabliva nie chočacca. U kamandy vosiem parazaŭ zapar. Mabyć, adzinyja dumki pra toje, kab hety kašmar chutčej skončyŭsia i pačałasia padrychtoŭka da novaha siezonu. Ni ŭ vypadku paražeńnia, ni ŭ vypadku pieramohi «Słuck» nie zrušycca z takoha pryjemnaha dla siabie vośmaha miesca. Typovaja hulnia sieradniakoŭ tablicy.

Prahnoz «NN»: pieramoha «Haradziei».

«Isłač» — «Dniapro»

  • Minsk, stadyjon FK «Minsk»

Alaksandr Paŭłaŭ — lidar «Dniapra». Mahiloŭ raźvitvajecca z elitaj. Fota vk.com.

«Isłač» u takoje chałodnaje nadvorje prapanuje hledačam matča harbatu i piečyva, kab užo zusim nie było sumna i choładna nazirać za futbołam. «Vaŭki» ŭžo hulajuć na tranśfiernym rynku, padpisaŭšy niekalki maładych hulcoŭ. Nichto nie viedaje, ci zmohuć jany zahulać na vysokim uzroŭni, ale kamanda Žukoŭskaha daje im dobryja šancy.

«Dniapro» raźvitajecca z vyšejšaj lihaj prynamsi na hod. Chacia dośvied babrujskaj «Biełšyny» ci navapołackaha «Naftana» śviedčyć, što raźvitańnie moža zaciahnucca na kudy bolšy termin. Vyšejšaj lihi ŭ Mahiloŭskaj vobłaści naleta nie budzie. Chacia ŭ svoj čas i «Dniapro», i «Biełšyna» stanavilisia navat čempijonami Biełarusi. Darečy, u elitu viarnuŭsia jašče adzin čempijon — mazyrskaja «Słavija».

Prahnoz «NN»: pieramoha «Isłačy».

«Pramień» — «Smalavičy»

  • Minsk, SAK «Alimpijski»

Na dadzieny momant mienavita «Pramień» znachodzicca ŭ zonie vyletu, ale nazvać kamandu aŭtsajderam u dadzienaj sustrečy jazyk nie pavaročvać. «Pramień» jak tyhr biŭsia z BATE, i vyjhravaŭ da samych apošnich chvilin, kamanda pasypałasia tolki ŭ kampiensavany čas. «Pramień» daje vyšejšaj lizie krychu bolš za «Smalavičy», tamu ich vyletu chočacca mieniej.

U pačatku vosieni «Smalavičy» siensacyjna ŭziali dy pieramahli bresckaje «Dynama», a paśla hetaha ŭ kamandy jak adrezała. Na žal, stać sapraŭdy lubimym kłubam navat u svaim horadzie ŭ «Smalavičaŭ» nie atrymałasia. Maładych hulcoŭ kamanda taksama nie vychoŭvaje. Zaskočyli na hod u elitu i možna viartacca nazad u bolš zvykły pieršy dyvizijon.

Prahnoz «NN»: pieramoha «Pramienia».

«Nioman» — «Dynama» (Brest)

  • Hrodna, CSK «Nioman»

Słavuty ŭ minułym šatłandski futbalist Hordan Strakan pravioŭ majstar-kłas u Breście. Fota vk.com.

Dla «Niomana» matč maje pryncypovaje značeńnie. I navat nie praz turnirnyja batalii, a praz epapieju ź pierachodam u brescki kłub talenavitaha hrodzienskaha paŭabaroncy Savickaha. BFF abaviazaŭ «Dynama» spłacić «Niomanu» kampiensacyju za hulca, ale kłub ź bierahoŭ Buha ŭparta nie žadaje hetaha rabić. A hrošy hrodziencam vielmi b navat nie pieraškodzili pierad pačatkam nastupnaha siezona.

Kiraŭnik bresckaha «Dynama» skazaŭ na hetym tydni, što biudžet kamandy sioleta składaŭ 5 miljonaŭ dalaraŭ. Vielmi prystojnyja hrošy, za jakija «Dynama» padpisała mnohich ajčynnych zorak. Tamu šostaje miesca inakš jak pravałam dla kamandy razhladać nie vypadaje. Na nastupny hod, mabyć, nabudujuć novych napaleonaŭskich płanaŭ, ale dzie harantyja, što jany znoŭ nie stanuć pšykam?

Prahnoz «NN»: «Nioman» nie sastupić.

«Tarpieda-BiełAZ» — BATE

  • Žodzina, stadyjon «Tarpieda»

Naprykancy siezona «Tarpieda» demanstravała toj futboł, ź jakim možna było b śmieła pačynać nastupny čempijanat. Ale realii našaha pieršynstva takija, što ŭ kamand časta źmianiajucca vykanaŭcy. I miechanizm pačynaje davać zboi. Zdavałasia, kab turaŭ było chacia b na piać bolej, to Žodzina ŭrahanam by ŭvaravałasia ŭ trojku, a tak davodzicca zadavolicca piatym miescam.

BATE pravioŭ vielmi jakasny i zapaminalny matč u hety čaćvier suprać vienhierskaha «Vidzi» ŭ Lizie Jeŭropy. Ciapier usie dumki kamandy pra chutki vyjezd u Hrecyju da PAOKa. Tam BATE pry peŭnym raskładach moža zadavolić navat ničyja. A tym časam stała viadoma, što centralny abaronca kamandy Niemańja Miłunavič pryniaŭ rašeńnie pierajści na radzimu ŭ «Crvienu Źviezdu».

Prahnoz «NN»: «Tarpieda-BiełAZ» nie sastupić.

«Tarpieda» — «Dynama» (Minsk)

  • Minsk, stadyjon «Dynama»

«Tarpieda» zachavała prapisku ŭ elicie. Fota vk.com.

«Tarpieda» i «Isłač» u apošnim tury nie mahli padzialić miž saboj stadyjon FK «Minsk». U vyniku pieramahła ŭsio ž «Isłač». «Čorna-biełych» ža adpravili na «Dynama». Arendu stadyjona, a heta 9 tysiač rubloŭ, kamandy padzielać papałam. Uklučyli na «Dynama» navat aciapleńnie, praŭda, nie pryznajucca, kolki ž heta budzie kaštavać dla kamand.

Mabyć, «Dynama», kali ničoha ekstraardynarnaha nie zdarycca, daviadziecca zadavolicca bronzavymi miedalami. Heta byŭ ciažki hod dla minčukoŭ. Čaho varty chacia b słavuty vyjezd u Picier da «Zienita», tak što navat takimi ŭznaharodami možna hanarycca. Tym časam, kłub pakinuŭ sierb Uraš Nikalič, jon pierabraŭsia ŭ soniečny Izrail.

Prahnoz «NN»: pieramoha «Dynama».

«Šachcior» — «Minsk»

  • Salihorsk, stadyjon «Budaŭnik»

Pry rodnych zaŭziatarach u siemihradusny maroz «Šachcior» pavinien zavajavać srebranyja miedali čempijanatu. Mabyć, kamanda pavinna zastacca zadavolenaja takim vynikam. Bo ŭ pačatku siezona zdavałasia, što Salihorsk moža ŭvohule akazacca ŭ siaredzinie tablicy. Abaronca kamandy Siarhiej Bałanovič kaža, što naleta «harniaki» buduć bicca tolki za zołata.

Dla «Minska» ž heta byŭ zvyčajny roŭny siezon. Užo zvykłaje miesca ŭ nižniaj pałovie turnirnaj tablicy. Pry hetym kamanda tradycyjna zmahła zapalić paračku jarki maładych zoračak. Praviała niekalki jarkich i zapaminalnych matčaŭ. U «Minska» majecca svoj tvar i hulniavy počyrk. Mabyć, niejkaja padobnaja karcina budzie i pa skančeńni nastupnaha čempijanatu.

Prahnoz «NN»: pieramoha «Šachciora».

TURNIRNAJA TABLICA

Dzialiciesia prahnozami ŭ kamientarach, a taksama padumajcie nad apošniaj mahčymaściu schadzić na stadyjon u hetym hodzie! Ličycie siabie ekśpiertam u biełaruskim futbole — zrabicie staŭku ŭ Bukmiekierskaj kantory Marafon!

Źmicier Pankaviec

Chočaš padzialicca važnaj infarmacyjaj
ananimna i kanfidencyjna?

Клас
0
Панылы сорам
0
Ха-ха
0
Ого
0
Сумна
0
Абуральна
0
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031