Rasija i Biełaruś stvaryli rabočuju hrupu dla acenki strat ad zabrudžanaj nafty
Pradstaŭniki «Biełnaftachima» i Minenierha Rasii ŭvojduć u rabočuju hrupu pa acency strat ad zabrudžanaj nafty i sposabaŭ ich kampiensacyi, paviedamiŭ žurnalistam vice-premjer Rasii Dźmitryj Kozak pa vynikach sustrečy ź biełaruskim kaleham Iharam Lašenkam, piša TASS.
Pa kampiensacyi škody biełaruskim NPZ jość šmat roznych pytańniaŭ, dadaŭ Kozak. «Usie hetyja pytańni niachaj śpiecyjalisty paličać — što jość realnaja škoda, a što papiarovaja. Techničnyja śpiecyjalisty pavinny jašče vyznačyć pryčynna-vynikovyja suviazi. Heta takoje pytańnie, ad čaho złamaŭsia — ad hetaj nafty abo ad naturalnaha znosu. Heta niaprostaje pytańnie, adrazu na jaho adkazać niemahčyma», — skazaŭ jon.
Vice-premjer adznačyŭ, što Rasija i Biełaruś viaduć kanstruktyŭnuju pracu pa acency strat ad zabrudžanaj nafty. «U nas niama nijakich supiarečnaściaŭ z punktu hledžańnia taho, što kampiensacyja pavinna być z rasijskaha boku, ale jaje realna paličyć. Kalehi damovilisia, rabočaja hrupa śpiecyjalna paličyć nie tolki faktyčny pamier straty, ale i sposaby kampiensacyi, tamu što jany mohuć być roznymi. I prapanovy, pakul nie skončana ŭsia hetaja praca pa minimizacyi hetych strat, — jany sumiesnyja, tamu tut u nas poŭnaje razumieńnie i vielmi kanstruktyŭnaja praca. Ale nazvać pamier kampiensacyi, paradak ličbaŭ dakładna nie zmožam», — skazaŭ Kozak.
Pavodle jaho słoŭ, ciapier padlik kampiensacyj dla bakoŭ nie pryjarytet, bo ŭ pieršuju čarhu nieabchodna likvidavać nastupstvy.
Vice-premjer Biełarusi Ihar Lašenka u svaju čarhu adznačyŭ: «Što takoje škoda NPZ? NPZ ustanie na kapramont, kali ŭ jaho tam hrafik. U chodzie ramontu ŭskryjuć niešta, pahladziać. Heta ŭsio časovyja pytańni. Nam treba čas, dobry stuk zaŭsiody pakaža. Voś vy ŭziali dziadulaŭ stary maskvič ci «Pobiedu» i honicie na Sankt-Pieciarburh. Jak vy dumajecie, što vylezie? Vy ž nie viedajecie».
