Bujnyja jeŭrapiejskija kampanii admovilisia płacić rasijskim pastaŭščykam paśla zabrudžvańnia nafty ŭ «Družbie»
Francuzskaja naftavaja kampanija Total i italjanskaja Eni zamarozili vypłaty rasijskim pastaŭščykam nafty, u tym liku «Rasnafcie» i «Surhutnaftahazu», z-za zabrudžvańnia nafty ŭ trubapravodzie «Družba», piša Reuters.
Kampanii pavinny byli zapłacić da 15 maja. Jak vynikaje z paviedamleńnia ahienctva, kampanii hatovyja adnavić vypłaty paśla vyznačeńnia vieličyni škody i adnaŭleńnia pastavak čystaj nafty.
Pry hetym rasijski bok ličyć, śćviardžaje Reuters, što zachodnija pakupniki pavinny zapłacić za pastaŭleny pradukt i tolki zatym farmalna zajavić pra pretenzii da jaho jakaści.
«Chto zachoča płacić za takuju naftu? Heta i nie nafta, stroha kažučy. I nichto ŭ Rasii nie moža rastłumačyć, chto i kamu budzie vypłačvać kampiensacyi», — zajaviła adna z krynic ahienctva.
