Sacyjalnyja abjekty ŭ Astraŭcy budzie budavać moładź
Status usiebiełaruskaj maładziožnaj budoŭli prysvojeny abjektam sacyjalnaj infrastruktury, jakija budujucca ŭ Astraŭcy. Heta praduhledžana ŭkazam №190, jaki Alaksandr Łukašenka padpisaŭ 20 maja, paviedamlaje BiełTA.
Fota: Minsk-Naviny.
Ciapier u Astraŭcy šyroka viadziecca žyllovaje budaŭnictva. Pavodle prahnozaŭ, da 2020 hoda kolkaść nasielnictva horada vyraście z 10 tysiač da 22-23 tysiač, što źviazana sa źjaŭleńniem BiełAES.
U Astraŭcy zapłanavana ŭźviadzieńnie šmatfunkcyjanalnaha spartyŭnaha kompleksu, krytaj ladovaj placoŭki, škoły, balnicy, dziciačaha sada, aŭtavakzała. Da budaŭnictva abjektaŭ prapanujecca pryciahvać nie tolki studenckija atrady, ale i maładych ludziej va ŭzroście ad 14 da 31 hoda, jakija vykazali žadańnie tut papracavać.
Paviedamlajecca, što nadańnie statusu ŭsiebiełaruskaj maładziožnaj budoŭli budzie spryjać «pavyšeńniu sacyjalnaj aktyŭnaści moładzi, zabieśpiačeńniu jaje zaniataści, raźvićciu studatradaŭskaha ruchu, abjadnańniu chłopcaŭ i dziaŭčat značnaj hramadzianska-patryjatyčnaj idejaj».
