Maskva ŭzhadała pra doŭh Biełarusi za «rastvaralniki» praz 7 hadoŭ
Premjer-ministr Rasii Dźmitryj Miadźviedzieŭ abmiarkuje ŭ piatnicu ŭ Maskvie ź biełaruskim kaleham Siarhiejem Rumasam pytańni supracoŭnictva, siarod jakich buduć i temy zapazyčanaści Minska pierad Maskvoj ad realizacyi schiemy z «rastvaralnikami», a taksama prablemy vakoł brudnaj nafty ŭ «Družbie», piša TASS.
«Płanujecca zakranuć i prablemnyja temy, jakija tyčacca pastaŭki nafty pa trubapravodzie «Družba», a taksama zapazyčanaści Biełarusi, jakaja ŭznikła pry realizacyi niezakonnaj schiemy z pastaŭkami tak zvanych rastvaralnikaŭ», — skazaŭ pres-sakratar kiraŭnika ŭrada Rasii Aleh Osipaŭ.
«Padčas sustrečy Miadźviedzieva z Rumasam, zapłanavanaj na 24 maja ŭ Maskvie, budzie abmiarkoŭvacca kompleks pytańniaŭ, źviazanych ź intehracyjnym pracesam, stanam handlova-ekanamičnych adnosinaŭ pamiž našymi krainami», — paviedamiŭ taksama Osipaŭ.
Prablema z «rastvaralnikami» datujecca 2010—2012 hadami. Tady rasijski bok abvinavaciŭ Biełaruś u reeksparcie naftapraduktaŭ pad vyhladam rastvaralnikaŭ.
Chimičnaja pradukcyja («rastvaralniki i razbavicieli składanyja arhaničnyja» i «zmazačnyja materyjały») nie traplała ŭ razrad naftapraduktaŭ, u vyniku rasijski biudžet niedaatrymlivaŭ ekspartnych pošlin.
