Va ŭradzie raskazali, jaki zarobak u Biełarusi nieapraŭdana nizki
Ułady majuć namier uziacca za pradpryjemstvy, na jakich siaredni zarobak niedaciahvaje da 400 rubloŭ. Pra heta ŭ intervju ŭ «Hałoŭnym efiry» na telekanale «Biełaruś 1» zajaviŭ pieršy vice-premjer Alaksandr Turčyn.
Urad chvalujuć kampanii, jakija płaciać svaim rabotnikam nieapraŭdana nizkija zarobki, adznačyŭ Alaksandr Turčyn. Pavodle jaho słoŭ, urad budzie kantralavać takija pradpryjemstvy.
«Pieršy etap — arhanizacyi, jakija płaciać ludziam mienš za 400 rubloŭ», — adznačyŭ pieršy vice-premjer. Na jaho dumku, kab palepšyć situacyju na takich pradpryjemstvach, treba ŭličyć dva składniki — kiraŭnikam treba naładzić efiektyŭnuju pracu i apieratyŭna prymać kiraŭničyja rašeńni.
Alaksandr Turčyn pierakanany, što płacić zarpłatu mienš za 400 rubloŭ niedazvalalna. Pieršy vice-premjer raskazaŭ, što ministru pa padatkach i zborach dali zadańnie pravieryć, ci lehalna vypłačvajecca zarpłata, a nie «ŭ kanviertach».
Z 1 studzienia 2020 hoda ŭłady majuć namier uziacca za pradpryjemstvy, na jakich siaredniaja zarpłata niedaciahvaje da 500 rubloŭ.
