Malusieńki stan, tonkija nohi i pavialičany zad: čamu moda na takuju fihuru moža być niebiaśpiečnaj?
Malusieńki stan, tonkija nohi i pavialičany zad — mnohija žančyny marać pra takuju pastavu. Pavalnaje zachapleńnie dasiahnieńniem hetych praporcyj šmat u čym abumoŭlena fatahrafijami znakamitaściaŭ u Instagram, Facebook i Snapchat.
Ale ekśpierty pa psichičnym zdaroŭi nieadnarazova papiaredžvali, što imknieńnie da nierealistyčnych ideałaŭ viadzie da rasstrojstva charčovych pavodzin i dysmarfii — psichičnaha rasstrojstva, pry jakim čałaviek praźmierna zaniepakojeny i zaniaty niaznačnym defiektam abo asablivaściu svajho cieła, piša Daily Mail.
Kim Kardašjan.
Šmat u čym modu na takuju fihuru stvaryła zorka sacsietak Kim Kardašjan i jaje siostry. Mnohich turbuje pytańnie, jak hetyja žančyny dasiahnuli takich praporcyj cieła, a mienavita, ci praviali jany kaśmietyčnyja pracedury na svaich zadach. Mała chto pryznajecca ŭ kaśmietyčnych pracedurach na jahadzicach.
Siostry Kardašjan śćviardžajuć, što ich niezvyčajnaja fihura zvodzicca da zdarovaha ładu žyćcia. Kim kaža, što jana trenirujecca da šaści razoŭ na tydzień, časam dva razy na dzień sa šmatlikimi praktykavańniami dla nižniaj častki cieła. Niahledziačy na abviaržeńni, čutki ab płastyčnaj chirurhii zastajucca.
Apieracyja pa pieranosie tłuščavaj tkanki ŭ jahadzicy — vielmi ryzykoŭnaja i niebiaśpiečnaja. Upieršyniu pradstaŭlenaja kala dziesiaci hadoŭ tamu, jana ŭklučaje chirurhičnaje vysmoktvańnie niepažadanaha tłušču sa ściohnaŭ abo žyvata, a zatym usmoktvańnie jaho ŭ jahadzicy dla stvareńnia bolš abjomnaha siłueta. Tłušč taksama moža być uviedzieny ŭ tvar, palapšajučy vusny i ščoki.
Jak vyśvietliłasia, pieranos tłušču na jahadzicy źjaŭlajecca samaj śmiarotnaj z usich kaśmietyčnych apieracyj.
Usie apieracyi spałučanyja z ryzykaj, ale ŭ minułym hodzie tryvohu padniali paśla taho, jak amierykanskija chirurhi papiaredzili, što adna z 3000 žančyn pamiraje padčas abo nieŭzabavie paśla pieranosu tłušču na jahadzicy.
U čym pryčyna? Kali tłušč uvodzicca ŭ jahadzičnuju ciahlicu, jon moža tam nie zastacca. Zamiest hetaha vadkaść moža pracisnucca praź ciahlicavyja vałokny, zapaŭniajučy kampaktnuju prastoru pad ciahlicaj u vobłaści taza. Heta moža vyklikać razryŭ vien, jakija prachodziać praz taz. Tłušč usmoktvajecca ŭ kryvianosnyja sasudy, jakija zabiaśpiečvajuć serca i lohkija, vyklikajučy śmiarotnaje zakarkavańnie.
Čamu heta adbyvajecca z adnymi pacyjentami, ale nie adbyvajecca ź inšymi, nieviadoma. Ale heta značyć, što apieracyja — hulnia ŭ ruskuju ruletku.
Dyk što ž padbuchtorvaje žančyn iści na takuju ryzyku? Mužčyny. Psichałahičnyja daśledavańni nieadnarazova pakazvali, što pry najaŭnaści vybaru mužčyny addajuć pieravahu žančynam sa ściohnami, jakija rezka vyhinajucca — stvarajučy vuhał u 45 hradusaŭ da talii.
Pamier zada nie tak važny, jak hetaja kankretnaja praporcyja. I hetamu moža być evalucyjnaje tłumačeńnie.
Adna z teoryj ličyć, što dahistaryčnaha mužčynu pryciahvała takaja postać, pakolki jana lepš za ŭsio padychodziła dla padtrymki zdarovaj ciažarnaści. Hetyja žančyny byli bolš efiektyŭnyja pry pošuku ježy padčas ciažarnaści i mieli mienš šancaŭ atrymać traŭmu chrybietnika.
Isnuje navat miedycynskaja nazva dla takoha ciełaskładu: steatapihija — prykmietnaje nazapašvańnie tłušču nad jahadzicami. Taki typ fihury asabliva raspaŭsiudžany siarod žycharak Afryki i paŭdniova-ŭschodniaj Azii.
U zachodnich krainach, adnak, žančyny histaryčna nasili pad spadnicami śpiecyjalnyja aksiesuary, kab stvaryć iluziju bolšaha azadka.
