Znajści
Ałharytmičny łacinski varyjant
17.10.2019 / 22:584RusŁacBieł

Biełaruski lon, krapiva i abutak z sekanda. U Minsku prajšoŭ modny pakaz, jaki ŭchvaliła b navat Hreta Tunbierh FOTY

U Minsku prajšoŭ etyčny modny pakaz. Pakazvajem, jak u nastupnym siezonie viasna-leta vyhladać stylna i eka-družalubna.

Samy pieradavy kirunak u modzie — heta sustainable fashion, ci ŭstojlivaja moda. Heta značyć, što dyzajniery pry vytvorčaści adzieńnia kłapociacca pra ekałohiju — abirajuć naturalnyja tkaniny, vykarystoŭvajuć druhasnyja ci miascovyja materyjały, minimizujuć adchody.

Dyzajnierka Nastaśsia Jaminskaja (brend Jamido) pracuje ź ilnom. Sukienki i topy z novaj kalekcyi jana ŭpryhožyła raślinnymi pryntami — krapivoj, paparatnikam, chvoščam, liściem duba i kaštana. Taki biełaruski adkaz trapičnym malunkam, jakija milhali na apošnich pakazach Valentino i Dolce & Gabbana.

Svabodny kroj, adkrytyja śpinki, pastelnyja kolery — toje, što treba dla haračaha leta i biełaruskaha voka, jakoje za zimu stamlajecca ad šeraha, ale baicca zanadta jarkich farbaŭ.

Jašče dalej u spravie kłopatu ab pryrodzie pajšła dyzajnierka Ksienija Hieść. Dla pašyvu adzieńnia jana nie kuplała novyja tkaniny, a ŭziała toje, što ŭžo było ŭ karystańni: rečy z sekand-chendaŭ, tekstylnyja adchody, staryja kašuli siabroŭ.

Amal pałovu abutku na pakaz taksama padabrali ŭ sekandzie — minskaj dabračynnaj kramie KaliLaska. I jon hladzicca ŭ vobrazach całkam arhanična: moda cyklična, a tamu tufli, u jakich chadzili na spatkańni našy mamy, rana śpisvać z rachunku.

NŁ, foty Voli Aficeravaj

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera