Sabrali piać modnych vobrazaŭ na zimu FOTY
Trendy hetaj zimy — kletka, trykatažnyja kaściumy, švedry oviersajz. Jak upisać ich u svoj harderob? Razam sa stylistkaj Nastaśsiaj Barščeŭskaj my prajšlisia pa kramach i sabrali piać modnych vobrazaŭ na luby vypadak.
Stylistka Nastaśsia Barščeŭskaja.
Vobraz №1. Trykataž i futra
Kamfortny vobraz dla štodzionnych haradskich spraŭ. Heta dobraja alternatyva takim raspaŭsiudžanym varyjantam, jak puchavik i džynsy.
Adzieńnie i aksiesuary padabrany ŭ kramie Love Republic.
«Vobraz bolš składany ŭ płanie kalarovych spałučeńniaŭ: kaścium koleru papialistaj ružy, fakturnaje futra (takija ciapier na piku papularnaści) i sumka ŭ trecim adcieńni ružovaha. Źviarnicie ŭvahu, što trykatažny kamplekt lepš nasić ź niečym doŭhim, asabliva kali vas biantežyć zališniaje ablahańnie ŭ vobłaści ściohnaŭ, — raić stylistka. —
Kali fantaziravać na temu abutku, tut moža być niešta ŭ ton vobrazu ci pryhožy karyčnievy koler. Čorny, kaniečnie, krychu rezkavaty, i ŭ dadzienym vypadku my jaho ŭraŭnavažvajem z dapamohaj čornaha šalika. Abutak pavinien być zručny — abcas siudy nie pojdzie».
Vobraz №2. Kloš i akcentnyja plečy
Sučasnaja kłasika. Kamplekt dobra ŭpišacca ŭ dziełavyja budni biznesvumen.
Adzieńnie i aksiesuary padabrany ŭ kramie Love Republic.
«U modzie akcentnyja plečy. U našym vobrazie jany źjaŭlajucca stylistyčnym pryjomam. Šery, dastatkova łakaničny švedar za košt plačej stanovicca cikavaj i navat klučavoj detallu, — tłumačyć Nastaśsia. — My dapaŭniajem jaho štanami kloš, jakija rasšyrajucca ad ściohnaŭ, sa strełkaj i ramianiom na talii, jaki jaje akcentuje, stvaraje bolš žanocki siłuet, što asabliva kłasna hladzicca z padkreślenaj linijaj plačej. Biarom karyčnievuju sumku — heta daje dadatkovy koler, vobraz stanovicca bolš cikavym. A zavušnicy pieraklikajucca z furnituraj sumki».
Vobraz №3. Sukienka ŭ pajetki
Viačerni kaktejlny varyjant. Padychodzić dla ŭračystaha mierapryjemstva — karparatyŭ u šykoŭnym restaranie, sustreča Novaha hoda ź siabrami.
Adzieńnie i aksiesuary padabrany ŭ kramie Love Republic.
«Sukienka aktualnaj daŭžyni — ciapier my nosim ci zakrytaje źvierchu mini ci midzi. Takaja daŭžynia hladzicca vysakarodna, tut jość schavanaja seksualnaść, tamu ŭsim raju pryhledziecca da jaje. Sukienka dvuchkolernaja. Z adnaho boku, pałoska ŭ pajetki — heta taki tradycyjna navahodni atrybut, jaki stvaraje śviatočnuju atmaśfieru. Pry hetym pajetki nie pa ŭsioj sukiency, bolšaść vykanana z tkaniny, jakaja imituje atłas. Reč vyhladaje doraha. Jašče mnie tut padabajecca dekalte — jano padkreślivaje šyju, płaŭnuju liniju pleč.
U płanie pryčosak u modzie minimalistyčnyja varyjanty. U dadzienym vypadku my abrali zakołatyja nazad vałasy z vypuščanaj pasmaj — heta lohka vykanać u chatnich umovach. Dadali cikavy štrych u vyhladzie abruča z čornymi kamianiami — jon dobra spałučajecca z atłasam i źjaŭlajecca nieabchodnaj razynkaj pryčoski, bo bieź jaho vyhladaje krychu prastavata».
Čorny kłatč, jaki adroźnivajecca pa faktury ad sukienki i abruča, robić vobraz bolš składanym i cikavym. U ideale sukienku lepš dapoŭnić niudavymi łodačkami ŭ ton skury ci tuflami pad koler pajetak.
Vobraz №4. Klatčastaje mini i oviersajz
Studencki ciopły i ŭtulny vobraz.
Adzieńnie, abutak i aksiesuary padabrany ŭ kramie DeFacto.
«Kletka ŭ trendzie: kožny vosieńska-zimovy siezon jana sustrakajecca ŭ kalekcyjach modnych dyzajnieraŭ. Tut jana pradstaŭlena ŭ vyhladzie kłasičnaj spadnicy mini sa ščylnaha trykatažu. My dapoŭnili jaje bardovym švedram oviersajz, bolšym na dva pamiery za nieabchodny. Takim čynam uraŭnavažyli praźmiernaje ablahańnie spadnicy masiŭnym viercham. Padkreślivajem taliju pajasnoj sumkaj: tak zručna chadzić na sutrečy ź siabrami, na šopinh.
My vyrašyli jašče krychu pahulać, dadać kałarytu i paviazali ciopły šalik. Heta stvaraje, z adnaho boku, nieachajny, ź inšaha —stylovy efiekt».
Apošnija štrychi — bardovyja čaraviki ŭ ton švedra i šapka (niezamienny zimovy aksiesuar: i hreje, i chavaje vałasy, jakija zimoj chutka stračvajuć abjom).
Vobraz №5. Puchavik i furažka
Jašče adzin štodzionny varyjant — u bežava-šerych adcieńniach.
«Ciapier u modzie takaja spakojnaja kalarovaja hamma, — kaža Nastaśsia. — Hałaŭny ŭbor luby vobraz robić bolš cikavym. Pakolki štany dastatkova svabodnyja, abaviazkova treba pakazvać łytku, kab było bačna, što ŭ nas usio dobra z praporcyjami, tamu my ŭziali abutak na abcasie.
Tak možna sustrecca ź siabroŭkaj, u kafe pasiadzieć, pajeździć pa spravach.
Adzieńnie i aksiesuary padabrany ŭ kramie DeFacto.
Sumka ź cikavaj ručkaj u ton vobrazu — krychu inšaje adcieńnie karyčnievaha ŭ nas na furažcy. Sumka strukturavanaja, žorstkaj formy, i hetamu vobrazu jana dadaje strohaści, robić bolš zakončanym i akuratnym».
{POLL#918}
