Znajści
Ałharytmičny łacinski varyjant
28.03.2020 / 13:401RusŁacBieł

RTBD pačynaje anłajn-tranślacyi svaich śpiektaklaŭ, «uličvajučy siońniašniuju situacyju»

Abviestka pra heta źjaviłasia na sajcie Respublikanskaha teatra biełaruskaj dramaturhii. Pry hetym teatr, jak i inšyja ŭstanovy kultury, ni słovam nie zhadvaje pra pandemiju karanavirusa.

«Uličvajučy siońniašniuju situacyju, my padrychtavali padarunak usim prychilnikam našaha teatra, kab «dastavić» sapraŭdnyja emocyi ŭ kožny dom.

10 dzion u kampanii RTBD, lubimych akcioraŭ i znakavych śpiektaklaŭ śpiecyjalna dla vas na našym youtube-kanale.

Kab ničoha nie prapuścić, zachoŭvajcie naš raskład i staŭcie «napaminałki» na youtube (knopka «napomniť»):

27.03 u 19.00 — śpiektakl «Adviečnaja pieśnia»

28.03 u 19.00 — śpiektakl «Adel»

29.03 u 19.00 — śpiektakl «Žančyny Bierhmana»

30.03 u 14.00 — śpiektakl «Ajbalit, Barmalej, pra žyvioł i bradviej»

31.03 u 19.00 — śpiektakl «Stalica Eraŭnd»

01.04 u 19.00 — śpiektakl «Mister Rozyhryš»

02.04 u 19.00 — śpiektakl «Nieba ŭ dyjamientach»

03.04 u 19.00 — śpiektakl «Raskidanaje hniazdo»

04.04 u 19.00 — śpiektakl «Dažyć da premjery»

05.04 u 19.00 — śpiektakl «Luboŭ ludziej»

Da sustrečy ŭ efiry!»

Raniej z anałahičnymi pryhožymi inicyjatyvami vystupili Teatr imia Janki Kupały i Nacyjanalny mastacki muziej krainy.

Mastacki muziej, da prykładu, pačaŭ videatranślacyi svaich tradycyjnych ekskursij. Jany adbyvajucca na vychadnych, viaduć ich najlepšyja mastactvaznaŭcy krainy.

«U luboj situacyi zaŭsiody možna znajści stanoŭčyja momanty…» — tak pačynajecca paviedamleńnie ŭ fejsbuku muzieja. Hetaja dziaržaŭnaja ŭstanova, adnak, ni słovam nie zhadvaje pra pandemiju, jakaja zmusiła miljony ludziej u śviecie abmiežavać svoj vychad u ludzi.

Heta moža aznačać, što ŭstanovam kultury krainy rekamiendavana ažyćciavić niekatoryja karancinnyja miery biez aficyjnaha abviaščeńnia pra toje, što heta źviazana z epidemijałahičnaj situacyjaj.

Učora Brescki dramatyčny teatr abviaściŭ pra admienu śpiektaklaŭ na vialikaj scenie da kanca sakavika. U toj ža čas śpiektakli na małoj scenie zastajucca. Pra heta paviedamlajecca na staroncy teatra ŭ fejsbuku.

Brescki teatr lalek pieranios usie raniej zajaŭlenyja śpiektakli «ŭ metach prafiłaktyki». Pra heta jon paviedamiŭ u svajoj hrupie ŭkantakcie.

U Biełarusi, u adroźnieńnie ad bolšaści jeŭrapiejskich krain, miery strohaha karancinu nie pryniatyja. U toj ža čas miedyki zaklikali ludziej starejšaha ŭzrostu, pry mahčymaści, pabyć u samaizalacyi.

SH; fota Zviazda.by

Chočaš padzialicca važnaj infarmacyjaj
ananimna i kanfidencyjna?

Клас
0
Панылы сорам
0
Ха-ха
0
Ого
0
Сумна
0
Абуральна
0
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930