Francuzy pabudujuć kala Hrodna zavod pa vypusku ŭhnajeńniaŭ
Novuju vytvorčaść płanuje pabudavać francuzskaja kampanija, asnoŭnaj pradukcyjaj chimičnaha zavoda stanie vadkaje minieralnaje ŭhnajeńnie na asnovie amijaku i siery.
Jašče adno chimičnaje pradpryjemstva pa vytvorčaści ŭhnajeńniaŭ płanujuć pabudavać u Hrodnie. Inviestaram i inicyjataram budaŭnictva vystupaje francuzskaja kampanija, jakaja ŭ studzieni zaćvierdziła prahramu praviadzieńnia acenki ŭździejańnia na navakolnaje asiarodździe budučaha zavoda.
Zhodna z dakumientam, apublikavanym na sajcie Haradzienskaha harvykankama, zavod płanuje budavać francuzskaja kampanija Tessender Group.
U jakaści placoŭki vybrany adzin z učastkaŭ u pramysłovaj zonie «Auls», jakaja znachodzicca niedaloka ad AAT «Hrodna Azot». Zavod budzie śpiecyjalizavacca na vypusku vadkich uhnajeńniaŭ. Asnoŭnaj syravinaj dla vytvorčaści ŭhnajeńnia źjaŭlajecca amijak, jaki vyrablaje «Hrodna Azot».
Mahutnaść vytvorčaści składzie 100 tysiač ton za hod, a sam zavod budzie pracavać u bieśpierapynnym kruhłasutačnym režymie. Pradukcyju płanujuć pastaŭlać na rynak Uschodniaj Jeŭropy.
