Jak pryhoža pieranosić śpioku? Sabrali top biełaruskich brendaŭ, jakija modna šyjuć ź ilnu
Pahladzieli, što cikavaha možna znajści ŭ biełaruskich dyzajnieraŭ, kab pryhoža pieranosić śpioku. Lnianyje sukienki z pyšnymi rukavami, svabodnyja kaściumy i epatažnyja harnitury.
Honar
Lnianyja śviatočnyja kalekcyi vypuskaje Honar. Błuzy z vałoškami, paparaćciu, palesskim arnamientam…
Asabliva šykoŭna vyhladaje čorny lon. Dyzajniery prapanujuć taksama mužčynskaje adzieńnie.
Dofamine Studio
Hety brend prapanuje svabodnyja lnianyja kaściumy (kašula ŭ kamplekcie sa štanami) i ramantyčnyja sukienki sa spuščanymi plačyma.
Pastelnyja tony — toje, što treba dla rassłablenaha špacyru ci dušnaha ofisu.
The Yong Clothes
Sukienki sa źmiakčanaha lonu hetych tvorcaŭ majuć miłyja detali — budź toje adkrytaja śpinka ci vuzieł na talii.
Vybirajcie pad nastroj — pramaja kłasika ci fason baby doll.
Pshenica
Što hladzim tut? Sarafany i kaściumy z vałanami, sukienki z pyšnym rukavami-bufami (pryvitańnie z epochi Reniesansu).
Dla pašyvu dyzajnierki vykarystoŭvajuć čysty lon abo źmiašany z bavoŭnaj.
Lokonkokon
Fiška hetaha brenda — styl retra. Prosty kroj jany dapaŭniajuć jarkim koleram — čyrvonym, chvojnym, harčyčnym.
Tut šukajcie sukienki-midzi i kimano.
Jamido
Dyzajnierka Nastaśsia Jaminskaja drukuje na lonie ŭnikalnyja raślinnyja prynty — lupiny, krapiva, krop, bez.
Idealny vobraz, kab źlicca z pryrodaj ci zabrać jaje čaścinku ŭ kamiennyja džunhli.
Historia Naturalis
Składana pavieryć, što lnianoje adzieńnie moža vyhladać tak. Historia Naturalis viadomy svaimi epatažnymi, jarkimi, karnavalnymi ŭborami — i heta kalekcyja nie vyklučeńnie.
Efiekt «vaŭ» u takich harniturach harantavany. Što cikava, aŭtarskaje pałatno dla brenda vypuskajuć na Aršanskim lnokambinacie.
