Znajści
Ałharytmičny łacinski varyjant
01.11.2021 / 22:29RusŁacBieł

Kudy schadzić u teatr u afłajnie? Skłali z krytykam top śpiektaklaŭ, za jakija nie soramna

My ŭžo, zdajecca, pryzvyčailisia hladzieć śpiektakli kupałaŭcaŭ anłajn na ich jutub-kanale. A kali jość patreba schadzić u teatr nahami?

Z dapamohaj teatralnaha krytyka Alaksieja Strelnikava sabrali top śpiektaklaŭ, na jakija ciapier možna schadzić u afłajnie (i heta nie budzie ličycca niečym haniebnym). Važna: kali vy drenna siabie pačuvajecie, zastavajciesia doma. Abaviazkova nasicie ŭ hramadskich miescach maski.

«Kaleka z vostrava Inišman» (Teatr biełaruskaj dramaturhii)

Fota: rtbd.by

Hety śpiektakl — vizualizacyja pjesy irłandskaha dramaturha Marcina MakDonacha, jakoha nazyvajuć teatralnym Tarancina.

Pastanoŭka ŭ pračytańni režysiora Alaksandra Harcujeva, premjera jakoj adbyłasia ŭ krasaviku biahučaha hoda, atrymałasia maksimalna žyćciovaj i blizkaj kožnamu, niahledziačy na toje, što apovied idzie pra nievialikuju irłandskuju viosačku.

Kamientar krytyka: «Kaleka z vostrava Inišman» — adna z apošnich premjer teatra biełaruskaj dramaturhii. Ale ahułam ich repiertuar asabista ŭ mianie vyklikaje vialikuju pavahu. Vidavočnyja sproby padychodzić da hetaha surjozna i stavić pjesy, jakija patrabujuć uvahi da siabie, dajuć rozdum. Akramia taho, pa artystach bačna, što jany nie robiać vyhlad, nibyta ŭ krainie ničoha nie adbyvajecca. Heta maksimum, jaki možna patrabavać ad ludziej, jakija bačać svaju misiju ŭ tym, kab pracavać u dziaržaŭnych teatrach».

Najbližejšyja pakazy: 3, 17 i 28 listapada

«Pansijon Belvedere» (Teatr lalek)

Fota: puppet-minsk.com

Premjera hetaha śpiektakla, pastaŭlenaha italjanskim režysioram Matea Spjaccy, adbyłasia jašče ŭ 2017 hodzie. Liryčnaja, kranalnaja zamaloŭka z žyćcia sastarełych ludziej pra sens isnavańnia i zdolnaść nie zdavacca, niahledziačy ni na što. Hałoŭnyja hieroi razumiejuć, što chutka sustrenucca sa śmierciu, ale pry hetym zastajucca na pazityvie. Taki prykład zaradžaje.

Kamientar krytyka: «Heta nie śpiektakl ź lalkami, akciory tut pracujuć z maskami. Nievierahodnaja dla Biełarusi teatralnaja forma i vysoki ŭzrovień vykanańnia. I pazityŭny humanistyčny pasył. Rozdum nad temami kachańnia, svabody, śmierci padadzieny ŭ vielmi lohkaj italjanskaj maniery. Mnie zdajecca, što ŭ jakaści psichałahičnaj reabilitacyi takaja praca vielmi važnaja».

Najbližejšyja pakazy: 18 i 26 listapada, 10 śniežnia.

«Papaŭdzionny adpačynak» (Moładzievy teatr)

Fota: bgmteatr.by

Adnaaktovy balet pa matyvach libreta Kłoda Debiusi «Papaŭdzionny adpačynak Faŭna» ŭ pračytańni adnaho z samych mocnych sučasnych biełaruskich chareohrafaŭ Volhi Skvarcovaj. Ën pra toje, jak padčas izalacyi i emacyjnaha vyharańnia ŭłasny pakoj čałavieka moža pieraŭtvarycca ŭ «kamieru».

Kamientar krytyka: «Nakont Moładzievaha teatra ŭ mianie źmiešanyja pačućci: novyja premjery tam — heta čarhovyja kamiedyi, ja navat užo nie raźbiraju ich nazvy. Teatr kamiedyi taksama mahčymy, ale zusim niadaŭna na scenie Moładzievaha stavilisia važnyja, badzioryja i nadzionnyja pjesy. Z taho, što ŭ repiertuary ciapier, možna źviarnuć uvahu na śpiektakl «Kaziny vostraŭ», jaho pastaviŭ Iskander Sakajeŭ, i režysura tam na ŭzroŭni. Nu a «Paślapaŭdzionny adpačynak» — heta prajekt tancavalnaha teatra, jaki farmalna źjaŭlajecca adzinkaj Moładzievaha teatra. Ën zrobleny ludźmi, jakija ŭśviedamlajuć, što adbyvajecca navokał, i sprabujuć adrefleksavać heta ŭ chareahrafičnaj maniery».

Najbližejšy pakaz: 24 listapada.

«Piaśniar» (Teatr imia Maksim Horkaha)

Fota: rustheatre.by

Śpiektakl «Piaśniar» pryśviečany asobie Uładzimira Mulavina. Pryčym havorka ŭ pastanoŭcy idzie nie stolki pra aŭtabijahrafiju naŭprost, a pra składany los paeta jak tvorcy. Usio heta atmaśfierna dapaŭniajecca pieśniami adnaho z samych paśpiachovych biełaruskich ansamblaŭ «Pieśniary». Vykonvaje ich sama trupa teatra.

Kamientar krytyka: «Zvalnieńnie Alaksandra Ždanoviča z teatra — heta hańba. Ale ja viedaju, što mnohija artysty tam praciahvajuć isnavać nasupierak usiamu. I ŭ śpiektakli «Piaśniar» adčuvajecca sapraŭdnaje hramadzianskaje vykazvańnie. Taksama ja chacieŭ by źviarnuć uvahu na toje, što robić moładź teatra na małoj scenie. Heta i «Krejcarava sanata», i «U viry». Varta padtrymlivać maładych režysioraŭ, bo heta ŭ lubym razie budučynia teatra».

Najbližejšy pakaz — 6 listapada.

«Dzikaje palavańnie karala Stacha» (Teatr junaha hledača)

Fota: beltuz.by

Sa znakamitaj adnajmiennaj apovieści Uładzimira Karatkieviča ŭ teatry zrabili sapraŭdny psichałahičny detektyŭ. Usim, chto čytaŭ knihu, siužet viadomy: bura prymušaje zharnuć z darohi maładoha navukoŭca-falkłarysta Andreja Biełareckaha. Jon traplaje ŭ radavy zamak Janoŭskich, poŭny zdaniaŭ i tajamnic!

Kamientar krytyka: «Mnie zdajecca, i sam tekst Karatkieviča, i pastanoŭka Uładzimira Savickaha vielmi pierahukajucca z tym, što siońnia adbyvajecca ŭ Biełarusi. I ŭ pryncypie ŭ artystaŭ teatra adčuvajecca patreba razmaŭlać z publikaj pieravažna pra nadzionnaje, tamu chadzić na ich śpiektakli — heta zusim nie haniebna. Uvohule, teatr — heta dazvoleny sposab sabracca ŭsim razam, adčuć svaju jednaść. Sapraŭdnaje mastactva zaŭsiody budzie pra sučasnaść, pra toje, što balić».

Najbližejšyja pakazy: 4 listapada, 11 śniežnia.

«Usie artysty mohuć być aryštavanyja». Što adbyvajecca ź niezaležnym teatram u Biełarusi

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera