Znajści
Ałharytmičny łacinski varyjant
09.11.2021 / 20:14RusŁacBieł

«Poŭnaja devalvacyja zakonaŭ i prysiahi». Dziejny pahraničnik pra situacyju na biełaruska-polskaj miažy

Kryzis na hranicy Biełarusi i Polščy praciahvajecca. Kala kropki kanfliktu ŭžo tysiačy polskich sałdat, nadzvyčajnaje stanovišča ŭviała nie tolki Polšča, ale i Litva, zaniepakojenaść užo vykazała navat NATO. My spytali ŭ dziejnych pahraničnikaŭ, jak treba aceńvać hetuju situacyju z punktu hledžańnia zakonaŭ, jakimi kirujecca Dziaržpahrankamitet. Usie hetyja zakony pieraličany na adpaviednaj staroncy viedamstva.

«Jašče z paŭhoda tamu supracoŭnikam vydavalisia premii ŭ pamiery 200 rubloŭ za spynieny kanał niezakonnaj mihracyi»

Asnoŭnyja dakumienty, jakimi rehulujecca achova hranicy, heta Zakon ab pahraničnaj słužbie, Zakon ab dziaržaŭnaj hranicy, Kancepcyja zabieśpiačeńnia pahraničnaj biaśpieki na 2018-2022 hod i inš.

Tak, zhodna z Zakonam ab pahraničnaj słužbie, asnoŭnymi zadačami słužby, aproč inšych, źjaŭlajucca:

— achova dziaržaŭnaj hranicy Respubliki Biełaruś,

— zabieśpiačeńnie pahraničnaj biaśpieki,

— papiaredžańnie, vyjaŭleńnie i spynieńnie złačynstvaŭ i administratyŭnych pravaparušeńniaŭ, jakija stvarajuć pahrozu pahraničnaj biaśpiecy.

Čaćviorty artykuł hetaha ž zakona «Pryncypy dziejnaści orhanaŭ pahraničnaj słužby» havoryć nam, što dziejnaść orhanaŭ pahraničnaj słužby siarod inšaha ažyćciaŭlajecca na pryncypach zakonnaści i niepachisnaści dziaržaŭnaj hranicy.

Pahraničniki abaviazany ŭ tym liku:

  • spyniać sproby niezakonnaha prachodžańnia dziaržaŭnaj hranicy na miascovaści,

  • rabić zachady pa baraćbie ź niezakonnaj mihracyjaj, arhanizavanaj złačynnaściu i teraryzmam,

  • udzielničać razam z upaŭnavažanymi orhanami ŭ miežach pahraničnaj zony i pahraničnaj pałasy ŭ ažyćciaŭleńni kantrolu ŭ vobłaści achovy navakolnaha asiarodździa.

Hałoŭny ž abaviazak asobnych supracoŭnikaŭ orhanaŭ pahraničnaj słužby taki: «Supracoŭnik orhanaŭ pahraničnaj słužby […] u vypadku zvarotu da jaho hramadzian z zajavaj abo paviedamleńniem ab padziejach, jakija pahražajuć pahraničnaj biaśpiecy, abo ŭ vypadku ich niepasrednaha vyjaŭleńnia, abaviazany pryniać mahčymyja zachady pa spynieńni pravaparušeńnia […]».

«To-bok toje, što my bačym — heta čysty bandytyzm i vykručvańnie sensu isnavańnia i abaviazkaŭ pahraničnikaŭ, — kamientuje situacyju aficer-pahraničnik, jaki zaraz słužyć na miažy. — Prynamsi jašče z paŭhoda tamu supracoŭnikam vydavalisia premii ŭ pamiery 200 rubloŭ za spynieny kanał niezakonnaj mihracyi, mnohija atrymlivali daterminova zvańni za hrupy złoŭlenych afrykancaŭ i irakcaŭ.

Štraf, departacyja, IČU. Jak raniej abychodzilisia z tymi, chto sprabavaŭ prarvacca praź miažu

Hrupa z 10 čałaviek na hranicy ličyłasia nadzvyčajnym zdareńniem, pra jakoje infarmavali kiraŭnictva Dziaržpahrankamiteta. Kryj boža, niechta ź ich praskočyć — patrebny imhnienny zvanok palakam, kab jany pierachoplivali na svaim baku i viartali, inačaj moža dajści da vymovy, panižeńnia, pieravodu. Toje što adbyvajecca — poŭnaja devalvacyja zakonaŭ i prysiahi».

«Dziaržaŭnaje telebačańnie, pakazvajučy, jak łomiać našy i polskija aharodžy, naŭprost prapahanduje parušeńnie zakonaŭ»

Pahraničnik dadaje, što zhodna z zakonam ab dziaržaŭnaj hranicy, «pierasiačeńnie dziaržaŭnaj hranicy ažyćciaŭlajecca na šlachach mižnarodnaha čyhunačnaha, aŭtamabilnaha […] złučeńnia, abo ŭ inšych miescach, vyznačanych mižnarodnymi damovami», a «propusk fizičnych asob […] uklučaje ŭ siabie ažyćciaŭleńnie pahraničnaha kantrolu i praviadzieńnie mytnaha kantrolu […]».

«Parušalnikami dziaržaŭnaj hranicy źjaŭlajucca fizičnyja asoby, jakija pierasiekli ci imknucca pierasiekčy dziaržaŭnuju hranicu pa-za vyznačanymi miescami jaje pierasiačeńnia ci z parušeńniem praviłaŭ pierasiačeńnia», — kaža zakon.

To bok usie tyja mihranty, što zaraz raźbili pałatačny łahier na biełaruskaj miažy, parušalniki. Pa zakonie ich treba zatrymlivać i sudzić.

Taksama ŭ pryhraničnaj zonie i pałasie «zabaraniajecca źniščać, vyvodzić z ładu, pierasoŭvać papiaredžvalnyja znaki, […], abjekty infrastruktury pryhraničnaj terytoryi; razmaŭlać ź fizičnymi asobami, jakija znachodziacca na terytoryi sumiežnaj dziaržavy, prymać ad ich ci pieradavać im jakija niebudź tavary, abo padavać sihnały; akazvać uździejańnie i pieraadolvać inžyniernyja pabudovy i aharodžy, inšyja abjekty, uźviedzienyja ŭ metach zabieśpiačeńnia achovy dziaržaŭnaj hranicy».

«Dziaržaŭnaje telebačańnie, pakazvajučy, jak łomiać našy i polskija aharodžy, naŭprost prapahanduje parušeńnie zakonaŭ», — kamientuje hety punkt pahraničnik.

«Biełaruskaje zakanadaŭstva dapuskaje pierachod hranicy tolki ŭ vyznačanych miescach. Adpaviedna, ludzi, jakija ciapier stajać za śpinami parušalnikaŭ, jakich vajskoŭcy pamiž saboj zaŭsiody nazyvajuć «bandytami», pavinny ich adtul prybirać, a taksama aštrafavać za znachodžańnie ŭ pryhraničnaj zonie biez dazvołu.

Taksama ich treba pravieryć na datyčnaść da złačynstvaŭ pa druhoj častcy artykuła 371-1 Kryminalnaha kodeksa «Arhanizacyja niezakonnaj mihracyi, učynienaja sposabam, jaki ŭjaŭlaje niebiaśpieku dla žyćcia ci zdaroŭja zamiežnych hramadzian […] adkaznaj asobaj z vykarystańniem svaich słužbovych paŭnamoctvaŭ».

Za heta zakon praduhledžvaje ad troch da siami hod pazbaŭleńnia voli. Voś što pavinna być zroblena», — kaža vajskoviec i dadaje, što amal uvieś łancužok padziej na miažy ź ES možna traktavać jak asobnaje kryminalnaje złačynstva, za jakoje pavinna być adkaznaść.

«Što nazyvajecca, adkryvaju zakony, čytaju i rablu naadvarot»

Isnuje jašče adzin admietny dakumient, jaki nazyvajecca «Kancepcyja zabieśpiačeńnia pahraničnaj biaśpieki Respubliki Biełaruś na 2018-2022 hady».

U im havorycca, što asnoŭnymi pahraničnymi niebiaśpiekami dla Biełarusi źjaŭlajucca (aproč inšaha):

— uzmacnieńnie mihracyjnych płyniaŭ i pavieličeńnie kolkaści kanałaŭ niezakonnaj mihracyi praz terytoryju Respubliki Biełaruś,

— raspaŭsiudžvańnie infarmacyi (pohladaŭ, mierkavańnia), jakaja stavić pad sumnieŭ zakonnaść (pravilnaść) prachodžańnia Dziaržaŭnaj hranicy i dyskredytujučaj dziejnaść pa jaje achovie,

— parušeńnie funkcyjanavańnia punktaŭ propuska sumiežnych dziaržaŭ na dziaržaŭnaj hranicy z Respublikaj Biełaruś,

— militaryzacyja pryhraničnych terytoryj sumiežnych dziaržaŭ,

— uźniknieńnie […] kanfliktaŭ, a taksama pavyšeńnie pratestnaj aktyŭnaści nasielnictva na pryhraničnaj terytoryi da krajniaj formy — masavych biesparadkaŭ, jakija paciahnuli niezakonnaje parušeńnie dziaržaŭnaj hranicy,

— abvastreńnie sanitarna-epidemijałahičnaj i ekałahičnaj abstanoŭki na pryhraničnaj terytoryi, vyklikanaje transhraničnymi pracesami,

— spynieńnie kantaktaŭ pa rašeńni pahraničnych pytańniaŭ z sumiežnymi dziaržavami, ažyćciaŭleńnie pravakacyj, u tym liku ŭzbrojenych, na dziaržaŭnaj hranicy.

«Takim čynam, toje, što adbyvajecca, zhodna z Kancepcyjaj, niasie pahrozu nacyjanalnaj biaśpiecy Respubliki Biełaruś — ja nie viedaju, ci ŭsie vykanaŭcy razumiejuć toje, što my dakacilisia da taho, što orhany pačali nieści pahrozu nacyjanalnaj biaśpiecy.

Adnosiny z susiedziami zrujnavanyja, nacyjanalnaje zakanadaŭstva parušajecca, sanitarnaja situacyja žachlivaja, u sumiežnikaŭ stajać tanki nasuprać našych chłopcaŭ.

Što nazyvajecca, adkryvaju zakony, čytaju i rablu naadvarot, heta soram i hańba. Ale, što samaje žudasnaje, vyhladaje, što sprava moža dajści da kryvi», — ličyć aficer.

Arciom Harbacevič

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera