Ispanija i Italija viartajuć našeńnie masak na vulicach
Premjer-ministr Ispanii Pedra Sančas abviaściŭ, što ŭ krainie budzie viernutaje abaviazkovaje našeńnie masak nie tolki ŭ hramadskich pamiaškańniach, ale i na vulicy.
corriere.it
Ispanija admianiła karanavirusnyja abmiežavańni jašče na pačatku leta, ale ciapier, kali kolkaść zaražeńniaŭ znoŭ bje rekordy, viartaje niekatoryja ź ich. 20 śniežnia ŭ krainie było zarehistravana 79 tys. novych zaražeńniaŭ karanavirusam, za apošnija sutki — 60 tysiač. Prykładna pałova vypadkaŭ, pavodle papiarednich acenak, prypadaje na «amikron», piša Bi-bi-si.
Taksama ŭ Katałonii sud u čaćvier paćvierdziŭ pravamiernaść rašeńnia miascovych uładaŭ uvieści načnuju kamiendanckuju hadzinu. Ciapier katałoncam zabaroniena vychodzić z domu z hadziny nočy da šaści ranicy.
U čaćvier ab viartańni abaviazkovych masak na vulicy z-za «amikrona» i ŭźlotu kolkaści zaražeńniaŭ abviaściŭ i ministr achovy zdaroŭja Italii Rabierta Śpieranca.
Akramia zvyčajnych masak na vulicy, italjancy ciapier pavinny buduć mieć maski pavyšanaj stupieni abarony, uzroŭniu FFP2, u kinateatrach, teatrach i na stadyjonach.
Akramia taho, urad Italii vyrašyŭ zabaranić usie masavyja śviatkavańni Novaha hoda i začynić dyskateki i kłuby da 31 studzienia.
