2022-y ŭ Litvie abviaścili Hodam Francyska Skaryny
U 2022-m spaŭniajecca 500 hadoŭ z zasnavańnia ŭ Vilni pieršaj va Uschodniaj Jeŭropie knihadrukarni i vydańnia pieršaj drukavanaj knihi ŭ Vialikim Kniastvie Litoŭskim — «Małoj padarožnaj knižki» (1522).
Miarkujecca, što na hetym miescy ŭ Vilni była drukarnia Skaryny. U 1990-m tam adkrytaja miemaryjalnaja doška
Z hetaj nahody ŭłady Litvy abviaścili nastupny 2022 hod Hodam Francyska Skaryny, paviedamlaje Pasolstva Litvy ŭ Minsku.
Skaryna — humanist, pačynalnik knihadrukarstva ŭ VKŁ, litoŭski pieršadrukar, vydaviec, piśmieńnik i doktar miedycyny. Jon naradziŭsia ŭ bahataj kupieckaj siamji ŭ Połacku, jaki ŭ tyja časy byŭ najvažniejšym handlovym centram VKŁ.
Pamiž 1519 i 1521 hadami Skaryna pasialiŭsia ŭ Vilni, pryvioz tudy drukarskaje abstalavańnie i zapas papiery.
22 maja 1522 hoda ŭ domie vilenskaha burmistra Jakuba Babiča Skaryna zasnavaŭ pieršuju drukarniu va Uschodniaj Jeŭropie. Miarkujecca, što dom stajaŭ na skryžavańni vulic Vialikaj (Dydžoi) i Šklanoj (Ścikłu). Tut jon vydaŭ pieršuju knihu VKŁ, jakaja nazyvałasia «Małoj padarožnaj knižkaj». Dakładnaja jaje nazva nieviadomaja, tamu daśledčyki dali vydańniu nazvu pavodle teksta epiłoha: «u hetaj małoj padarožnaj knižcy…».
