Cyrymoniju ŭručeńnia «Hremi» pieranieśli na dva miesiacy i praviaduć u Łas-Viehasie
Nacyjanalnaja akademija mastactva i navuki hukazapisu ZŠA abviaściła novuju datu praviadzieńnia 64-j cyrymonii ŭručeńnia premii «Hremi», adkładzienaj z-za raspaŭsiuddžvańnia «amikrona».
Fota Grammy.com
Šou adbudziecca 3 krasavika ŭ Łas-Viehasie ŭ spartyŭna-zabaŭlalnym kompleksie MGM Grand Garden Arena. Viadučym premii stanie akcior Trevar Noa. Tranślavać šou budzie telekanał CBS.
The 64th #GRAMMYs have been rescheduled and will now be broadcast live from the @MGMGrand Garden Arena in Las Vegas on Sunday, April 3 on @CBS! ✨ pic.twitter.com/Fidkbeyanm
Pieršapačatkova mierapryjemstva pavinna było prajści 31 studzienia ŭ Łos-Andželesie. Z-za pandemii cyrymoniju ŭručeńnia «Hremi» pieranosiać užo druhi hod zapar.
U 2022 hodzie favarytam premii staŭ džazavy muzyka Džon Batyst — u jaho 11 naminacyj na «Hremi». Śledam za im iduć śpiavački Alivija Radryha, Bili Ajliš, Doja Cat i H.E.R., jakija atrymali pa vosiem naminacyj na premiju.
