Stynh pradaŭ usie pravy na svaje pieśni Universal Music za 250 miljonaŭ dalaraŭ
Stynh pradaŭ pravy na ŭvieś svoj muzyčny katałoh, u tym liku solnyja pracy i zapisy hurta The Police, najbujniejšaj u śviecie hukazapisvalnaj kampanii Universal Music Group.
Fota: Reuters
Suma tradycyjna nie nazyvajecca, ale profilnyja ŚMI sa spasyłkaj na svaje krynicy nazyvajuć prybliznuju ličbu — 250 młn dalaraŭ.
«Dla mianie vielmi važna, kab u majoj tvorčaj spadčyny byŭ dom, dzie jaho šanujuć i pavažajuć — nie tolki dla taho, kab pa-novamu kamunikavać z addanymi prychilnikami, ale i dla taho, kab paznajomić z maimi pieśniami novuju aŭdytoryju, muzykaŭ i pakaleńni», — havorycca ŭ zajavie Stynha, jaki bolšuju častku svajoj karjery supracoŭničaŭ z UMG, paviedamlaje Bi-bi-si.
Pa ŭmovach damovy, UMG atrymlivaje pravy na majstar-kopii piesień, a taksama vydavieckija pravy — jany pierachodziać padraździaleńniu Universal Music Publishing Group.
«Stynh — hienij aŭtarskaj pieśni, jaho muzyka pranizvaje suśvietnuju kulturu, — skazaŭ kiraŭnik Universal Music Group Luśjen Hrendž. — Dla nas vialiki honar, što ŭsie pracy Stynha jak aŭtara piesień i vykanaŭcy ciapier buduć znachodzicca ŭ siamji UMG».
Na pačatku studzienia stała viadoma, što inšaja hukazapisvalnaja kampanija «vialikaj trojki» — Warner Music Group — atrymała pravy na tvorčuju spadčynu Devida Boŭi.
Da hetaha paviedamlałasia ab prodažy katałohaŭ Boba Dyłana, Poła Sajmana, Niła Janha, śpiavačak Ciny Terner i Šakiry, hurtoŭ Blondie i Red Hot Chili Peppers, a taksama dydžeja Devida Hiety. Sumy ŭsich hetych ździełak byli dzieviaciznačnyja.
