Chto z bankaŭ uvioŭ limity na valutnyja apieracyi?
Sabrali apošnija źmieny, jakija zakranuć karystalnikaŭ bankaŭskich kartak.
Biełarusbank
Biełarusbank z 13 sakavika časova abmiežavaŭ bieznajaŭnyja raźliki i źniaćcie hatoŭki za miažoj z kartak Visa, Mastercard, Maestro, dzie adkryty rachunak u biełaruskich rublach. U dzień z takich kartak za miažoj možna źniać ci patracić nie bolš za 400 rubloŭ.
Technabank
Limity ŭstalavaŭ taksama Technabank. Kali kartka aformlenaja ŭ zamiežnaj valucie (dalar ci jeŭra), ź jaje možna patracić 1000 dalaraŭ ci 500 jeŭra ŭ sutki adpaviedna.
U internet-bankinhu i mabilnym dadatku na bieznajaŭny prodaž zamiežnaj valuty pa kartkach (papaŭnieńnie praz ARIP valutnych kartak, pieravody z kartki ŭ biełaruskich rublach na kartku ŭ zamiežnaj valucie) limity ŭ pamiery 2000 dołaraŭ ci 100 jeŭra na dzień.
Źniaćcie hatoŭki ŭ jeŭra i dalarach z kartak u biełaruskich rublach časova spyniena.
Pryjorbank
U Pryjorbanku abmiežavańni dziejničajuć z 11 sakavika. Valutnyja apieracyi pa kartkach u biełaruskich rublach, u tym liku za miažoj, nie mohuć pieravyšać 3000 rubloŭ u dzień u ekvivalencie. Razmova pra takija apieracyi, jak raźliki ŭ kramach, pakupki anłajn, źniaćcie hatoŭki ŭ bankamatach, pieravody ŭ internet-bankinhu i mabilnym dadatku.
Bank «Rašeńnie»
Hety bank z 14 sakavika zmoža ŭstaloŭvać i źmianiać limity na apieracyi, nie papiaredžvajučy klijentaŭ.
